San Lucas 18:38 - Xochapa Mixteco

³⁸ Ñaa ku̱ndaa ini ra ta ndee ni ndi̱ndaꞌi koꞌo ra, káchi ra saa: ―¡Jesús, Seꞌe sikua ra David, kundaꞌvi ini un kuni un yeꞌe, ndaꞌvi i! ―káchi ra xiꞌin Jesús.

San Lucas 18:38 Mawu Ofanana

San Mateo 12:23

Ta iin ndi̱kanda ini naꞌa xiꞌin Jesús, saa káꞌan na, káchi na saa: ―¿Án seꞌe ñani sikua ra David, ra ndátun yo ti̱ꞌvi Ndioxi kixi ku ra yóꞌó? ―káchi na.

San Mateo 15:22

Ta iin ñaꞌa yá kúu seꞌe sikua na Canaán, süvi yá judío ku yá, ta vitin íyo yá inka ñaꞌñu náni Sirofenicia yati ñuu Tiro xiꞌin Sidón. Saa ndi̱xaa yá nuu Jesús ndee ni ndee ndi̱kaꞌan yá xiꞌin ra, káchi yá saa: ―¡Tata, seꞌe sikua ra David! ¡Kundaꞌvi ini un kuni un yeꞌe, ta chindee un yeꞌe xiꞌin seꞌe i! Ndee ni ndee ndóꞌó seꞌe síꞌi loꞌo i, tachi nduvaꞌa ki̱ꞌin yá ―káchi yá xiꞌin ra.

San Mateo 21:15

Saa ndi̱saa ni nda naꞌnu nuu sutu xiꞌin nda sínaꞌa ley Ndioxi tá xi̱ni nda yatuꞌun i̱kan Jesús, xiꞌin ya xi̱ni soꞌo nda ndee ni ndi̱kaꞌan na vali ndíta keꞌe veꞌe ñuꞌu kaꞌnu, káchi na: ―¡Hosanna! ¡Ná xaa kaꞌnu yo Ndioxi xaꞌa seꞌe ra David yóꞌó! ―káchi na.

San Mateo 21:9

Ta ndiꞌi naꞌa kuaꞌan xiꞌin ra, na ndóso nuu tin na ndíkun sata ra, iin ndáꞌi koꞌo ndiꞌi na, káchi na saa: ―¡Hosanna! ¡Ná xaa kaꞌnu ni yo Ndioxi xaꞌa Seꞌe ra David yóꞌó! ¡Chi yuꞌu Iva yo Ndioxi kua vaxi ra yóꞌó sikaku ra yoo! ¡Hosanna! ¡Ná kunuu sukun ni ya toꞌo Ndioxi! ―káchi na xaꞌa Jesús.

San Mateo 9:27

Saa ke̱e Jesús kuaꞌan ra, ta ndi̱kundikun uvi nda kuáa̱ kuaꞌan nda sata ra, ndáꞌi koꞌo nda, káchi nda saa: ―Tata, seꞌe ra David, kundaꞌvi ini un kuni un ndeꞌe ―káchi nda.

San Lucas 18:37

Saa ndi̱kaꞌan na xiꞌin ra: ―Ra Jesús, ra ke̱e ñuu Nazaret ku ra yáꞌa kuaꞌan ―káchi na xiꞌin ra.

San Lucas 18:39

Ta na ndóso kuaꞌan nuu, ndáꞌi na xiꞌin ra ya ná kutaxin yuꞌu ra, ta ra ikán ni köo ndi̱kiꞌin ra kuenta sata na, ndíkundee ra ndáꞌi koꞌo vaꞌa ka ra, káchi ra saa: ―¡Jesús, Seꞌe sikua ra David, kundaꞌvi ini un kuni un yeꞌe, ndaꞌvi ni i! ―káchi ra.

ROMANOS 1:3

Ta xaꞌa Tata yo Jesucristo ra kúu Seꞌe Ndioxi, ra chee nuu yo kua ndíkani tuꞌun vaꞌa ikán. Ta kúu Jesucristo Seꞌe sikua ra rey David, xaꞌa ya ka̱ku ra tá kuꞌva káku ndiꞌi yo ñuu ivi yóꞌó.

El Apocalipsis 22:16

Saa ndi̱kaꞌan tuku Tata yo Jesucristo, káchi ra saa: ―Yeꞌe ku Jesús, ta xa ti̱ꞌvi i tatun i ya xáa chiñu nuu i xa̱a ya kaꞌan ya ndiꞌi tuꞌun yóꞌó xiꞌin un. Saa chi kúni i ndituꞌun un xiꞌin ndiꞌi na veꞌe ñuꞌu, xaꞌa ya káa yeꞌe tá káa “Tioꞌo itun”, chi kúu i seꞌe ñani sikua ra rey David, ta káa tu i tá káa “Kimi kiti ndíyeꞌe ni tá xa túvi naꞌa” ―káchi Tata yo Jesucristo.