San Lucas 18:14 - Xochapa Mixteco

¹⁴ Ta ra ikán ku ra ki̱ndoo vaꞌa ka nuu Ndioxi. Süvi ka vi ra fariseo ndi̱kindoo vaꞌa nuu Ndioxi, saa chi ndiꞌi na chínuu vaꞌa tuꞌun ta síndikava ndaa Ndioxi na ni̱nu̱, ta ndiꞌi na síndikava ndaa xiꞌin mií na ikán ku na ndíkunuu sukun ni tuꞌun ikán Ndioxi ―káchi Jesús.

San Lucas 18:14 Mawu Ofanana

San Mateo 23:12

Saa chi ndiꞌi na xáa kaꞌnu xiꞌin mií, ta nduu na ni̱nu̱ ni ikan Ndioxi, ta ndiꞌi na xáa ni̱nu̱ xiꞌin mií ta nduu na, na naꞌnu ni ikan Ndioxi ―káchi Jesús.

San Mateo 5:3

―Vaꞌa ni kée ndo tá tu kúndaa ini ndo ya kúndáꞌvi ni ndo, ta xíniñuꞌu ni ndo Ndioxi, chi ndóꞌo̱ ku ndo kúu mií ichí koo ndo nuu xáꞌnda chiñu Ndioxi.

San Lucas 1:52

Xiꞌin ndee ra ki̱ndaa ra ndee kúu mií na chiñu naꞌnu ni. Ta nda̱niꞌi ra na ndaꞌvi, na ni̱nu̱ ni kúni.

San Lucas 10:29

Ta ku̱ni ra maestro ikán kindoo vaꞌa ra, xaꞌa ya ndi̱kaꞌan ra xiꞌin Jesús yakan kua ndi̱ndakan tuꞌun ñaꞌa ra káchi ra saa: ―¿Ta unku na ku taꞌan i, Tata? ―káchi ra xiꞌin Jesús.

San Lucas 14:11

Saa chi ndiꞌi na chínuu mií tuꞌun ta kukaꞌan nuu na, ta ndiꞌi na köo chínuu mií tuꞌun ta ndikunuu vaꞌa ni tuꞌun na ―káchi ra xiꞌin na.

San Lucas 16:15

Saa ndi̱kaꞌan ra xiꞌin nda, káchi ra saa: ―Ndóꞌo̱ ta ndása vaꞌa ni ndo mií ndo nuu naꞌa. Sundi Ndioxi ta xíni vaꞌa ra nima ndo köo íyo ndaku ini ndo. Ndiꞌi ñaꞌa ya ndee ni ndáa yaꞌvi nuu ndo ñuu ivi yóꞌó ta köo ndáa yaꞌvi ya nuu Ndioxi, ya kúndasi nuu va ra ku ya ―káchi Jesús xiꞌin nda.

ROMANOS 3:20

Ta nda iin naꞌa küchiñu nduu na naꞌa, na vaꞌa nuu Ndioxi xaꞌa ya kúni na xaa súvi na ley ra. Saa chi ya xáa nduxa na kúni na sixinu na ley ra, ta ya kúndaa ini na xaꞌa íyo kuachi na nuu va ra ku ya.

ROMANOS 4:5

Sundi Ndioxi ta ndása vaꞌa ra naꞌa na kándixa ñaꞌa. Süvi xaꞌa ñaꞌa ya vaꞌa íkan na nuu ra kua ndása vaꞌa ra na. Vani na kúu mií kuachi ku na, ta síniꞌi uun ra ya vaꞌa nuu na, saa ndása vaꞌa ra na nuu mií ra xaꞌa ya kándixa na Jesucristo.

ROMANOS 5:1

Xaꞌa ya kándixa yo Tata yo Jesucristo, ta Ndioxi ndása ra mií yo ndúu yo naꞌa, na vaꞌa, na íin tá íin naꞌa na köo ka kuachi kúu mií nuu ra, chi Tata yo Jesucristo ku ra si̱kitaꞌan mani yoo xiꞌin Ndioxi, ndi̱kundoo vaꞌa yo xiꞌin ra.

ROMANOS 8:33

¿Án ndá naꞌa kuchiñu taxi kuachi xaꞌa yoo ndi̱kaxin Ndioxi? Ya ndaa kua nda iin naꞌa küchiñu ikan saa xiꞌin yo, chi mií Ndioxi ku ra xa nda̱sa vaꞌa yo, ndu̱u yo tá íin naꞌa, na köo ka kuachi kúu mií nuu ra.

Gálatas 2:16

Sundi xa xíni yo, nda iin naꞌa, küchiñu ndikitaꞌan vaꞌa xiꞌin Ndioxi xaꞌa ya xáa súvi ni na ley ra. Ndi̱saa xaꞌa ya ndáa ni ini yo xíni yo Jesucristo va kua ndíkuiso vaꞌa ra yoo. Xaꞌa ya ikán kua kándixa ni yo Jesucristo, ya ná kuchiñu yo nduu yo naꞌa, na vaꞌa, na köo ka kuachi kúu mií nuu ra. Ta süvi xaꞌa ya xáa súvi yo ley Ndioxi kua ndíkuiso mani ra yoo nuu ra, chi tá tu xaꞌa ya xáa súvi yo ley ra kua, ta nda iin yo küchiñu ndikundoo vaꞌa xiꞌin ra, ndikuu.

Santiago 4:10

Kusiti ndo nuu Iva yo Ndioxi, sindikava ndo ini ndo nuu ra ta xaa kaꞌnu ini ra xaꞌa ndo.

Santiago 4:6

Ta ndee ni ka ndee ya vaꞌa táxi mií Iva yo Ndioxi íyo xiꞌin yo, yakan kua káꞌan tuꞌun ra, káchi ya saa: “Kúndasi nuu va Ndioxi xíni ra naꞌa, na ndee ni kútai ini nuu ra, ta táxi ni va ra ya vaꞌa kúu mií ra ndaꞌa naꞌa, na ni̱nu̱ kúni, na ndáꞌvi kúni nuu ra”, káchi ya.