San Lucas 17:25 - Xochapa Mixteco

²⁵ Sundi xiꞌna xíniñuꞌu ndoꞌo ni i, saa kundasi nuu ni na ñuu ivi yóꞌó kuni na yeꞌe.

San Lucas 17:25 Mawu Ofanana

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Marcos 10:33

―Xíto mií ndo vitin kuandaa yo kuaꞌan yo ñuu Jerusalén, ta ikán ku nuu ndixiko na yeꞌe ra kúu Taa ra xa̱a ñuu ivi yóꞌó ndaꞌa na naꞌnu nuu sutu xiꞌin nda maestro nda sínaꞌa ley ya ta̱a ra Moisés. Saa taxi na kuachi xaꞌa i ndaꞌa na köo kúu Israel ya kaꞌni na yeꞌe.

San Marcos 12:10

Saa ndi̱kaꞌan ka Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi ya káchi saa?: Yu̱ú ya ku̱ndasi nda síkuaꞌa veꞌe, ku yu̱ú ya ndee ni ndee, ta ya ikán kua xíniñuꞌu ni ka.

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Marcos 9:31

Saa chi sínaꞌa ra nda ítaꞌan xiꞌin, káchi ra saa xiꞌin nda: ―Yeꞌe ku Taa ra xa̱a ñuu ivi yóꞌó, vaxi kivi ta nditaxi iin ra yeꞌe ndaꞌa na chiñu, ta na ikán ka̱ꞌni na yeꞌe, sundi tixin kivi uni ta nditaku tuku i ―káchi ra xiꞌin nda.

San Lucas 18:31

Saa ku̱u ta ka̱na Jesús ndisaa uxi uvi mií nda ítaꞌan xiꞌin ra ndi̱kaꞌan ra xiꞌin nda, káchi ra saa: ―Vitin kuaꞌan yo ñuu Jerusalén, ikán ku nuu xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa yeꞌe, Taa ra xa̱a ñuu ivi yóꞌó.

San Lucas 18:33

Saa kani ni yeꞌe, ta kaꞌni na yeꞌe, sundi kivi uni nditaku i ―káchi Jesús xiꞌin nda ítaꞌan xiꞌin ra.

San Lucas 24:46

Ta ndi̱kaꞌan ra xiꞌin na, káchi ra saa: ―Soꞌva káꞌan tuꞌun Ndioxi ya ta̱a na xinaꞌa: “Ra Cristo, ra ndi̱kaxin Ndioxi sikaku na ñuu ivi yóꞌó ta xíniñuꞌu ra ndoꞌo ni ra ta kuvi ra, sundi kivi uni nditaku ra.

San Lucas 9:22

Ta saa ndi̱kaꞌan ra xiꞌin nda, káchi ra saa: ―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.

San Juan 1:11

Ki̱xi ra nuu na ñuu ra, ta na ñuu ra köo ndi̱xiin na ndikiꞌin ñaꞌa na.

San Juan 12:38

Yóꞌó ku nuu ndi̱xinu tuꞌun Ndioxi ya ta̱a ra Isaías, ra ndi̱kaꞌan ndoso tuꞌun yuꞌu Ndioxi xinaꞌa, káchi ra saa: Tata Iva i Ndioxi, ni köo na xíin kandixa tuꞌun ya káꞌan nde xiꞌin na, ta ni köo ndi̱kundaa ini na ya i̱kan un yatuꞌun nuu na, káchi ya ta̱a ra Isaías xinaꞌa.