San Lucas 17:22 - Xochapa Mixteco

²² Ta saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Vaxi kivi ta ku̱ni̱ ni ndo ndiko koo yeꞌe, Taa ra xa̱a ñuu ivi yóꞌó, sundi küni ka ndo yeꞌe.

San Lucas 17:22 Mawu Ofanana

San Mateo 9:15

Saa ndi̱kuiin Jesús, káchi ra saa: ―Tá íyo iin viko tíndaꞌa, ta kúsini ni mií na migo mií ra tíndaꞌa ikán, köo naꞌa kúsuchi ini, chi viko kua. Sundi vaxi kivi tá ná ndikiꞌin na ra tíndaꞌa ikán kuꞌun ra xiꞌin na, saa kua kuxi suꞌun na.

San Marcos 2:20

Sundi vaxi tiempo, tá ná tiin na yeꞌe, sindiꞌi xaꞌa na yeꞌe, saa kua kuxi suꞌun nda ítaꞌan xiꞌin i ―káchi ra xiꞌin na ikán.

San Lucas 13:35

Yakan vitin ta sindikoo ndaꞌa Ndioxi veꞌe ndo. Ta ndóꞌo̱ küni xiꞌin nuu ka ndo yeꞌe, tá tu kuni ndo yeꞌe ta nda ná kaꞌan ndo: “Ná taxi Ndioxi ya vaꞌa ndaꞌa ra xáa chiñu nuu ra”, kachi ndo. Nda kivi ikán ku nuu kuni ndo yeꞌe ―káchi Jesús xiꞌin na ñuu Jerusalén.

San Lucas 5:35

Sundi vaxi kivi ta tiin naꞌa yeꞌe kuꞌun i xiꞌin na. Ta saa kua kuxi suꞌun nda ítaꞌan xiꞌin i ―káchi Jesús.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.