San Lucas 17:21 - Xochapa Mixteco

²¹ Köo na kaꞌan: “Yóꞌó íin ya”, án “Káa íin ya”, kachi na, chi xa tañu ndo yóꞌó xa̱a ya íyo ya xiꞌin ndo ―káchi Jesús xiꞌin nda fariseo.

San Lucas 17:21 Mawu Ofanana

San Mateo 12:28

Ta yeꞌe kúu mií i ndee Tachi Ndioxi ya táva i tachi nduvaꞌa, ya yóꞌó kúni kachi ya: Xa ti̱ndaa kivi ya xa̱á Ndioxi xáꞌnda chiñu ra nuu na ñuu ivi yóꞌó.

San Marcos 13:21

’Tá ndá na káꞌan xiꞌin ndo: “Koto ndo, yóꞌó íin ra ti̱ꞌvi Ndioxi vaxi sikaku yoo”, án ‘‘Koto ndo, kaa íin ra vaxi sikaku yoo’’, káchi na xiꞌin ndo, ta kändixa ndo na.

San Lucas 17:23

Ta kivi ikán kaꞌan ni naꞌa xiꞌin ndo: “Koto ndo, yóꞌó íin ra ke̱e nuu Ndioxi”, án “Káa íin ra”, kachi na xiꞌin ndo, ta küni soꞌo ndo ya káꞌan na xiꞌin ndo, ni kändixa ñaꞌa ndo.

San Lucas 21:8

Ta saa ndi̱kuiin Jesús, káchi ra saa: ―Kuenta ni koo ndo ya ná sïndaꞌvi naꞌa ndóꞌo̱. Saa chi kixi sava taa sindaꞌvi nda ndóꞌo̱, kaꞌan nda xiꞌin ndo, nda ikán ku nda ti̱ꞌvi Ndioxi vaxi sikaku na ñuu ivi yóꞌó, kachi nda. Ta saa kaꞌan tu nda, xa yati ni ti̱ndaa tiempo, kachi nda xiꞌin ndo. Ta kündikun ndo nda.

San Juan 1:26

Saa ndi̱kuiin ra Juan ndi̱kaꞌan ra xiꞌin nda, káchi ra saa: ―Yeꞌe ta xiꞌin tikuii va síkuchi i naꞌa, sundi xa íyo iin taa tañu ndo, ta köo xíni ndo ra.

San Juan 18:36

Saa ndi̱kuiin Jesús káꞌan ra: ―Nuu xáꞌnda chiñu i ta köo ndíkun ndaa ya ñuu ivi yóꞌó. Tá tu ñuu ivi yóꞌó ndíkun ndaa ya, ta ni na ndíkun sata i ta kaꞌan kuachi na xaꞌa i, täxi na tiin na ñuu i yeꞌe, ndíkuu. Sundi nuu xáꞌnda chiñu i ta köo ndíkun ndaa ya ñuu ivi yóꞌó ―káchi Jesús xiꞌin ra.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

Colosenses 1:27

Ta saa kua i̱kan Iva yo Ndioxi, saa chi ku̱ni ra ya ná kundaa ini na kúu kuenta mií ra xaꞌa ñaꞌa ya ndi̱xiyo sěꞌe xinaꞌa. Ta tuꞌun ra ya ndaa, ya chee ni, ya luvi ni, ta ya kuni soꞌo ndiꞌi ni kúu naꞌa kua. Ta ya káꞌan tuꞌun Iva yo xaꞌa ya ndixiyo sěꞌe yóꞌó kua: íyo Tata yo Jesucristo nima ndóꞌo̱ köo kúu judío vitin, ta kúndaa teꞌe ini ndo ya koo ndo xiꞌin ra nuu ndivi.