San Lucas 16:24 - Xochapa Mixteco

²⁴ Ñaa ndi̱ndaꞌi koꞌo ra, káchi ra saa: “¡Tata iva yo Abraham, kundaꞌvi ini un kuni un yeꞌe! Kaꞌan xiꞌin ra Lázaro ná kuꞌun ra chikaa ndaꞌa ra ini tikuii ta ná kixi ra xiꞌin rá ndiyakun ra yaa i, saa chi ndóꞌo ni ini i ndíkaa i nuu xíxi ñu̱ꞌu̱ yóꞌó”, káchi ra kuika ikán.

San Lucas 16:24 Mawu Ofanana

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 3:9

Ta ndïkani ini ndo sikaku Ndioxi ndóꞌo̱ xaꞌa ya kúu ndo seꞌe sikua ra Abraham, káꞌán ndo. Chi mií Ndioxi ta kúu mií ra ichí ndisama ra yu̱ú yóꞌó nduu ya seꞌe sikua ra Abraham.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Lucas 16:30

Ñaa ndi̱kuiin ra kuika ikán káꞌan ra: “Saa ndixa va tata, sundi tá tu ná nditaku iin na ndíi kuꞌun na ndituꞌun na xiꞌin nda ta ndiko koo va ini nda”, káchi ra.

San Lucas 19:9

Saa ndi̱kaꞌan Jesús, káchi ra saa: ―Kivi vitin sikaku Ndioxi ra yóꞌó xiꞌin na veꞌe ra, saa chi seꞌe sikua ra Abraham ku tu ra yóꞌó va.

San Lucas 3:8

Xiꞌna ndiko koo ini ndo xaꞌa ndiꞌi kuachi ndo, ta ikan ndo ya vaꞌa xiꞌin ya ndaa, saa kixi ndo kuchi ndo, saa chi saa sinaꞌa ndo mií ndo ya ndixa kua ndi̱ko koo ini ndo kuaꞌan ndo ichí Ndioxi. Ta käꞌan tai ndo kúu ndo seꞌe sikua ra Abraham, ta kaꞌan ndo: “Xaa kaꞌnu ini Ndioxi xaꞌa kuachi nde”, kachi ndo. Saa chi Ndioxi kúu mií ra ndee ya kuchiñu ra ndisama ra yu̱ú yóꞌó nduu ya naꞌa, ta seꞌe sikua ra Abraham nduu na.

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

San Juan 7:37

Tá ti̱ndaa kivi chee ni ya ndiꞌi viko ikán, ta saa ndi̱kundichi Jesús ta nda̱niꞌi ra tachi ra ta ndee ni ndi̱kaꞌan ra, káchi ra saa: ―Tá ndá ndóꞌo̱ íchi ini, ta vaꞌa kixi ndo nuu i ta taxi i tikuii koꞌo ndo.

ROMANOS 4:12

Ta saa tu mií yo judío, yo íyo tuni Ndioxi, seꞌe ñani sikua ra Abraham ku tu mií va yo, tá tu kándixa yo Ndioxi tá kuꞌva ka̱ndixa ñaꞌa ra. Ta kuꞌva saa ná kandixa yo Ndioxi tá kuꞌva ka̱ndixa mií ra yachi tá täꞌan ka kuu mií ra tuni Ndioxi.

2 Tesalonicenses 1:8

Ta ndiko koo ra tañu ñu̱ꞌu̱, ya ndee ni xíxi, saa xaa nduvaꞌa ni ra xiꞌin naꞌa, na köo ndi̱xiin ndikuni Ndioxi, ni köo ndi̱xíin na kuni soꞌo na tuꞌun vaꞌa xaꞌa Tata yo Jesucristo.

Santiago 2:13

Saa chi ndiꞌi na köo kúndaꞌvi ini xíni inka na, ta kuꞌva saa kündaꞌvi ini Ndioxi kuni ra naꞌa tá ná xaa nani ra kuachi xiꞌin na ñuu ivi. Sundi naꞌa, na ku̱ndaꞌvi ini xi̱ni inka naꞌa, ta kuꞌva saa kundaꞌvi ini Ndioxi kuni ra na.

Santiago 3:6

Tá káa ñu̱ꞌu̱ yeꞌe ya xíxi, saa káa yaá yo ya íyo yuꞌu yo, chi táxi ya kaꞌan yo tuꞌun kini ni. Ta ndiꞌi tuꞌun kini káꞌan yo ta xáa yakua ya yoo, ndúu kini yo, chi ndaya nuu íyo kiti nǎꞌa kua kána koo ya vaxi ya, ta kúchiñu ya sítivi ya yo ivi yóꞌó.

El Apocalipsis 19:20

Ta Taa ra chee ni ra yóso kuai yaa xiꞌin nda lapa ítaꞌan xiꞌin ra, tíin nda kiti ìyo ni káa ikán saa tíin tu nda ra profeta vata. Ta ra ikán ku ra si̱ndaꞌvi naꞌa xaꞌa ya i̱kan ra kuaꞌa ni yatúꞌun nuu na, ta ta̱xi na ndi̱kunuu sello ra taan na, saa xa̱a kaꞌnu na naꞌna mií kiti ìyo ni káa ikán. Ta saa xi̱ni i tíin ra nda kíꞌin ra nda síkana táku ra ini xitun chee ni nuu ndee ni xíxi ñu̱ꞌu̱ xiꞌin ñu̱ꞌu̱ káꞌndi ya náni azufre.

El Apocalipsis 20:15

Ta ndiꞌi na köo ndóso kivi nuu tutu Ndioxi ya koo na xiꞌin ra, ta ki̱ꞌin tatun Ndioxi na ta̱an ya ini xitun nuu ndee ni xíxi ñu̱ꞌu̱.

El Apocalipsis 22:1

Saa si̱naꞌa tatun ikán iin i̱tà nuu i, ta ndee ni yaa rá, ta rá ikán ku rá táxi ichí ya kutaku naꞌa ndiꞌi saa kivi xiꞌin Ndioxi. Ta kána koo rá nuu ndíchi tai toꞌo nuu índuꞌu Ndioxi xiꞌin Levo loꞌo. Tá kuꞌva yéꞌe̱ taxan vidrio, saa yéꞌe̱ rá.