San Lucas 16:19 - Xochapa Mixteco

¹⁹ Saa ku̱u xa̱á Jesús ndítuꞌun ra inka tuꞌun ndíchi xiꞌin na káchi ra saa: ―Ndi̱xiyo iin ra kuika, ra ndíxi vaꞌa ni, ndíxi ra tikoto ya lino savi ni, color ndíꞌi kua, ta ndiꞌi saa kivi íyo viko veꞌe ra, xíxi vaꞌa ra.

San Lucas 16:19 Mawu Ofanana

San Marcos 15:17

Saa si̱kundixi nda ra xiꞌin iin toto ya kuaꞌa tuun, ta chi̱nuu nda iin corona xiní ra xiꞌin iñu si̱kuaꞌa nda ya.

San Marcos 15:20

Tá si̱ndiꞌi nda ku̱siki ndaa ñaꞌa nda, ta saa ta̱va nda toto kuaꞌa tuun sukun ra, ñaa si̱kundixi tuku nda ra xiꞌin toto mií ra. Saa ta̱va nda ra kuaꞌan ra xiꞌin nda chinuu nda ndaꞌa cruzin.

San Lucas 15:13

Saa ku̱u ta ndi̱yaꞌa uvi ndaa kivi ta iin ndi̱xiko yaa ra ñaꞌa ya ndi̱niꞌi ra. Saa ndi̱kiꞌin ra kuaꞌan xika ra. Kuaꞌan ra inka ñuu xiꞌin xuꞌun ikán, ta ikán ti̱in ndiꞌi ra ya, iin si̱siki ndikuu mií ra ya.

San Lucas 16:1

Saa ndi̱tuꞌun Jesús inka tuꞌun ndíchi xiꞌin nda ítaꞌan xiꞌin ra, káchi ra saa: ―Soꞌva ndo̱ꞌo iin ra kuika xiꞌin ra ndíso chiñu xiꞌin ñaꞌa ra. Ndi̱xaꞌan na ndi̱tuꞌun na xaꞌa ra xiꞌin xitoꞌo ra ya sísiki ndikuu ra xuꞌun xitoꞌo ra.

San Lucas 16:18

Saa ndi̱kaꞌan ka Jesús káchi ra saa: ―Tá íyo iin taa ra síndoo yá síꞌi ra, ta tíndaꞌa ra xiꞌin inka ñaꞌa, ra yóꞌó ta väꞌa íkan ra chi kuakiꞌvi ra kuachi, xaꞌa ya yáꞌa ra ichí Ndioxi. Saa tu iin ra tíndaꞌa xiꞌin ñaꞌa yá ndi̱ndoo i̱kan ií yá, kuakiꞌvi tu ra ikán va kuachi, chi yáꞌa ra ichí Ndioxi ―káchi Jesús xiꞌin na.

San Lucas 16:20

Ta ndi̱xiyo tu iin ra ndaꞌvi náni Lázaro va. Iin táꞌi ndiꞌi kuñu ra, xáa ra índuꞌu ndaa ra yeꞌe ra kuika ikán.

El Apocalipsis 17:4

Ta ndíxi yá ñaꞌa ikán tikoto ndíꞌi tuun xiꞌin ya kuáꞌa. Ta kuaꞌa ni oro tin kuaꞌa ni yu̱ú yéꞌe̱ ya yaꞌvi ni ndóso ndaa ya sata toto ndíxi yá. Saa níꞌi yá iin copa ya oro ndaꞌa kuáꞌá yá, chútu copa ikán xiꞌin ndiꞌi nuu ñaꞌa ya väꞌa tin ya ndi̱kiꞌvi yá xiꞌin kuaꞌa ni taa, ndiꞌi ya ikán ñúꞌu ini copa ikán.

El Apocalipsis 18:16

kachi na saa xaꞌa ñuu Babilonia: “¡Vai! ¡Vai! ¡Ndaꞌvi ni na ndóo ñuu chee ni ya Babilonia! Vaꞌa ni xi̱ndixi na toto yaꞌvi ni, ya kúu toto lino, toto ya kuaꞌa ñu̱ꞌu án ya ndíꞌi tuun. Saa vaꞌa ni xi̱niñuꞌu na oro xiꞌin kuaꞌa ni yu̱ú ya luvi ni, xiꞌin ya yaꞌvi ni xi̱ndoso ndaa sata toto na.

El Apocalipsis 18:7

Ta na väꞌa ikan ta ndi̱xiyo tái ni ini na, saa kuika ni ndi̱xiyo na, ta ku̱u mií na ndiꞌi ñaꞌa ya káchi ini mií na. Ta vaꞌa ná taxi Ndioxi ndoꞌo ni na vitin. Saa chi na väꞌa ikán, ta kútai ni ini na, chínuu vaꞌa ni na tuꞌun na, yakan ndíkani ini na káchi na saa: “Naꞌnu ni mií nde chi ndeꞌe ku nde xáꞌnda chiñu nuu ndiꞌi naꞌa. Ta köo íyo nde tá káa iin ñaꞌa yá ndaꞌvi, yá ndi̱xiꞌi ndaa, chi nda iin kivi ndöꞌo nde, ni nda loꞌo küsuchi ini nde”, káchi na ndíkani ini na.