San Lucas 15:32 - Xochapa Mixteco

³² Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 15:32 Mawu Ofanana

San Mateo 18:11

Saa chi yeꞌe, Taa ra xa̱a ñuu ivi yóꞌó, ta xa̱a i ñuu ivi yóꞌó ya sikaku i na nda̱ñuꞌu.

San Lucas 15:24

Chi ndi̱ko koo ra loꞌo seꞌe i yóꞌó. Tá káa ra ndi̱xiꞌi saa ndi̱xiyo ra sundi vitin ta ndi̱taku ra. Nda̱ñuꞌu ra ndi̱xaꞌan ra ta vitin nde̱ta ra”, káchi iva ra. Ñaa xa̱á kúsini ni na.

San Lucas 15:31

Saa ndi̱kuiin iva ra káchi ra saa: “Ndiꞌi saa va kivi íyo yóꞌo̱ xiꞌin i, ta ndiꞌi ñaꞌa ya kúu mií i ñaꞌa yóꞌo̱ ku ndiꞌi va ya.

San Lucas 7:34

Ta vitin xa̱a yeꞌe, ra vaxi ñuu ivi yóꞌó, xíxi i xiꞌin ndo nuu viko, ta káꞌan ndo xaꞌa i kini ni xíxi i ta xíꞌi ni i vino, saa ítaꞌan i xiꞌin na väꞌa, ta ítaꞌan i xiꞌin na ndíkaya xuꞌun kuaꞌan ndaꞌa gobierno ñuu Roma, káchi ndo xaꞌa i.

ROMANOS 11:15

Xaꞌa ya ku̱ndasi Ndioxi xi̱ni ra na judío, yakan vaꞌa ku̱yati ndiꞌi ni kúu na ñuu ivi nuu ra. Tá ná ndikuiso mani tuku Ndioxi na judío nuu ra, ta nditaku na. Chi vitin tá íin na xa ndíi saa íin na nuu ra.

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.

ROMANOS 3:4

¡Köo íkan Ndioxi saa! Süvi tá íin na ñuu ivi yóꞌó saa káa ra. Vani na ñuu ivi yóꞌó köo síxinu na ya káꞌan na, sundi Ndioxi ta nina síxinu ra tuꞌun ya káꞌan ra. Saa chi tuꞌun Ndioxi ya ta̱a na xinaꞌa, ta soꞌva káꞌan ya xaꞌa ra: Ndiꞌi naꞌa kundaa ini ya ndaa ni ini un, chi ndiꞌi tuꞌun ya káꞌan un, ta ndaa ni káꞌan un. Ni naꞌa ta nïꞌi na kuachi un, ta köo na taxi kuachi xaꞌa un. káchi tuꞌun Ndioxi xaꞌa ra, ya ta̱a na xinaꞌa.