San Lucas 15:28 - Xochapa Mixteco

²⁸ Saa tá ku̱ndaa ini ra, ta ndi̱saa ni ra, ni köo ndi̱xiin ka ra ndiꞌvi ra ini veꞌe. Ñaa ke̱ta iva ra xáku ndaꞌvi ra nuu ra ndiꞌvi ra ini veꞌe, ta ni köo xíin ra ndiꞌvi ra.

San Lucas 15:28 Mawu Ofanana

San Mateo 20:11

Tá ndi̱kiꞌin na yaꞌvi na saa xa̱á na kánaꞌa na xaꞌa ra xáa chiñu na nuu,

San Marcos 1:40

Saa ku̱u ndi̱xaa iin ra ndóꞌo kueꞌe taꞌi, náni lepra, ndi̱xaa ra si̱kusiti ra nuu Jesús, káchi ra saa: ―Tata, xíni i iindaa yóꞌo̱ ku ra kuchiñu sindaꞌa yeꞌe, ta köo xíni i án kúni un ikan loꞌo un ya vaꞌa xiꞌin i ―káchi ra xiꞌin Jesús.

San Lucas 13:34

Saa xa̱á ra káꞌan ra: ―¡Ndóꞌo̱ na ñuu Jerusalén!, ndóꞌo̱ ku ndo xáꞌni nda káꞌan ndoso tuꞌun yuꞌu Ndioxi, ta kóꞌni ndo yu̱ú sata nda tíꞌvi Ndioxi vaxi chindee ndóꞌo̱. Kuaꞌa ni ichí ku̱ni i sikitaꞌan i ndóꞌo̱, tá íkan nduxi tiatan xiꞌin seꞌe vali ri, síkitaꞌan ri na tixin ri, ta köo ndi̱xiin ndo.

San Lucas 15:2

Xaꞌa ya yóꞌó kua káꞌan nda fariseo xiꞌin nda sínaꞌa ley Ndioxi ya ta̱a ra Moisés, káꞌan nda xiꞌin taꞌan nda, káchi nda saa: ―Süvi ra vaꞌa ku ra yóꞌó. ¿Ndachu ítaꞌan ra xiꞌin na íkan ya väꞌa ta xíxi ra xiꞌin na? ―káchi nda.

San Lucas 15:27

Saa ndi̱kaꞌan ra ikán xiꞌin ra káchi ra saa: “Ra ñani un ku ra xa̱a, yakan xa̱ꞌni tata un sindiki kiti si̱ndaꞌa ra. Xa̱ꞌni ra ri xaꞌa ya kúsini ra ndi̱xaa vaꞌa ñani un”, káchi ra ikán xiꞌin ra.

San Lucas 15:29

Saa ndi̱kaꞌan ra xiꞌin iva ra, káchi ra saa: “Xa xíni mií un, Tata, ndisaa vi kuiya xáa chiñu i xiꞌin un ta xíni soꞌo ndiꞌi i ya káꞌan un xiꞌin i. Ta nda iin ichí täꞌan taxi loꞌo un iin tixuꞌu loꞌo ndaꞌa i ikan i viko kuxi i xiꞌin nda migo i.

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

San Lucas 5:30

Saa xi̱ni nda fariseo xiꞌin nda maestro nda sínaꞌa ley ya ta̱a ra Moisés ya xíxi Jesús xiꞌin na ikán. Ta ñaa ndi̱kaꞌan nda xiꞌin nda ítaꞌan xiꞌin ra, káchi nda saa: ―¿Ndachu xíxi ndo xiꞌin na ndíkaya xuꞌun nuu gobierno? Ta na väꞌa ku ndiꞌi na ñaa ―káchi nda.

San Lucas 7:39

Saa tá xi̱ni ra Simón ikán, ta xa̱á ndíkani ini ra, káchi ra saa: “Tá tu ndixa ra káꞌan ndoso tuꞌun yuꞌu Ndioxi ku ra yóꞌó, ta xa kundaa va ini ra süvi ñaꞌa vaꞌa ku yá yóꞌó, ta täxi ra tiin ndaa ñaꞌa yá, ndíkuu”, káꞌán ra.

Los Hechos 13:45

Saa xi̱ni nda naꞌnu nuu na judío ya kuaꞌa ni naꞌa ndi̱kaya xíni soꞌo tuꞌun ya káꞌan ra Pablo xiꞌin ra Bernabé, ta xa̱á nda kûni ini nda xíni ñaꞌa nda. Xa̱á nda kánaꞌa nda xaꞌa nda, ta káꞌan nda süvi ya ndaa kua káꞌan nda, káchi nda ikán.

Los Hechos 13:50

Ta saa xaá nda judío táva nda kuachi xiꞌin ra Pablo tin ra Bernabé. Chi chi̱kaa nda yuꞌu na chiñu tin ná síꞌi ná ínuu vaꞌa ni tuꞌun, ná káñuꞌu ni Ndioxi. Ndi̱kaꞌan nda xiꞌin ndiꞌi na ikán, si̱xinu nda ini na ya ná kundasi na kuni na ra Pablo xiꞌin ra Bernabé. Ñaa ndi̱kitaꞌan ndiꞌi na ta̱xin na nda xiꞌin ya uꞌvi ta̱va na nda ka̱na koo nda ñuu na.

Los Hechos 14:19

Ta saa ndi̱xaa sava nda judío ndóo ñuu Antioquía xiꞌin nda ndóo ñuu Iconio, síxinu nda ini na ñuu Listra ikán ya ná kaꞌni na ra Pablo. Saa ndi̱xinu ini na, ñaa xa̱á káni na ra xiꞌin yu̱ú. Xa ndi̱xiꞌi va ra, káꞌán na, saa ndi̱kuñuu ndai na ra ndi̱xaꞌan na si̱kana na ra nda nuu ñuu.

Los Hechos 14:2

Ta na judío, na xïin kandixa tuꞌun xaꞌa Jesús ta si̱saa na ini sava na köo kúu judío, ñaa ndi̱saa na xiꞌin na ndíkun ichí Jesús.

ROMANOS 10:19

Ta yeꞌe ndákan tuꞌun tuku i ndóꞌo̱: ¿Án köo ndíkundaa ini na Israel xiꞌin tuꞌun Ndioxi ya xi̱ni soꞌo na, túvi ndo? ¡Süvi saa íyo ya, chi ku̱ndaa va ini na xiꞌin ya! Saa chi tuꞌun Ndioxi ya ta̱a ra Moisés xinaꞌa, tá ndi̱kaꞌan ra tuꞌun Ndioxi, káchi ra saa: Taxi i ndukuiñu ini ndo kuni ndo naꞌa, na inka ñuu, na köo kúu ñuu i, xaꞌa ya vaꞌa ikan i xiꞌin na. Taxi i saá ni ini ndo xaꞌa ya vaꞌa ikan i xiꞌin na inka ñuu. Saa kuniñuꞌu tu i naꞌa, na köo xíni, na köo ndíchi xini. káchi Ndioxi xiꞌin na Israel

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

1 Tesalonicenses 2:16

Tá kúni nde kaꞌan nde xiꞌin naꞌa, na köo kúu judío ya kuchiñu na kaku na, ta köo táxi na judío taꞌan nde kaꞌan nde xiꞌin na ikán. Ta xaꞌa ya íkan na saa, ta ndee ni kuandaa kuachi sata na ndúkuaꞌa ka ya, yáꞌa ni ndee kundoꞌo na tixuꞌvi ni na.