San Lucas 15:24 - Xochapa Mixteco

²⁴ Chi ndi̱ko koo ra loꞌo seꞌe i yóꞌó. Tá káa ra ndi̱xiꞌi saa ndi̱xiyo ra sundi vitin ta ndi̱taku ra. Nda̱ñuꞌu ra ndi̱xaꞌan ra ta vitin nde̱ta ra”, káchi iva ra. Ñaa xa̱á kúsini ni na.

San Lucas 15:24 Mawu Ofanana

San Mateo 8:22

Saa ndi̱kuiin Jesús, káchi ra saa: ―Naꞌa, kuꞌun un xiꞌin i. Vaꞌa na ndíi, ná sinduxin taꞌan mií va na ―káchi Jesús xiꞌin ra.

San Marcos 8:22

Saa tá ndi̱xaa Jesús ñuu Betsaida, ta ndáka na iin ra kuáa̱ ndi̱xaa xiꞌin na nuu ra. Ta saa xáku ndaꞌvi na nuu Jesús ya ná tiin ndaa loꞌo ñaꞌa ra ta nduvaꞌa ra.

San Lucas 10:19

Ta yeꞌe táxi i ndee ndaꞌa ndo ya kuañu ndoso ndo sata kiti ko̱ó kueꞌe xiꞌin kiti tisoꞌma, ta kuchiñu ndo nuu ndiꞌi tachi nduvaꞌa ya káni taꞌan xiꞌin ndo ta nda iin ya kündoꞌo ndo.

San Lucas 15:23

Ta kuáꞌan ndo ndikiꞌin ndo sindiki kiti si̱ndaꞌa i. Ndikiꞌin ndo ri kixi xiꞌin ndo, kaꞌni ndo. ¡Ná koo viko kuxi yo!

San Lucas 15:25

’Ta inka ra seꞌe ra, ra xikuaꞌa, köo ra íyo veꞌe, ke̱e ra kuaꞌan ra iku. Saa ndi̱ko koo ra ku̱yati ra xa̱a ra veꞌe. Ta ñaa xi̱ni soꞌo ra xíta yaa tíxaꞌa na.

San Lucas 15:32

Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 15:4

―Tá kúu ndóꞌo̱ tá íyo iin ciento levo sana ndo ná kachi yo. Tá ná ndañuꞌu iin ri iku ta, ¿án sïndoo ndo ti kumi xiko uxi kumi ikán iku ta saa kaka ndo ndinuni loꞌo nduku ndo taꞌan ri?

San Lucas 19:10

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Lucas 9:60

Ñaa ndi̱kuiin Jesús káꞌan ra: ―Kündiꞌi ini un sinduxin un na ndíi, ná kundiꞌi ini mií na xaꞌa taꞌan na. Sundi yóꞌo̱, ta kuaꞌan kaꞌan un xiꞌin inka naꞌa xaꞌa ichí nuu xáꞌnda chiñu Ndioxi ―káchi Jesús xiꞌin ra.

San Juan 11:25

Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na.

San Juan 5:21

Tá kuꞌva sítaku Iva ra Ndioxi na ndíi ta táxi ra kutaku na, ta saa íkan tu Seꞌe va ra, táxi ra kutaku na kúni mií ra.

ROMANOS 11:15

Xaꞌa ya ku̱ndasi Ndioxi xi̱ni ra na judío, yakan vaꞌa ku̱yati ndiꞌi ni kúu na ñuu ivi nuu ra. Tá ná ndikuiso mani tuku Ndioxi na judío nuu ra, ta nditaku na. Chi vitin tá íin na xa ndíi saa íin na nuu ra.

ROMANOS 12:15

Kusini ni ndo xiꞌin naꞌa, na kúsini, ta kuaku ndo xiꞌin naꞌa, na xáku.

ROMANOS 6:11

Saa tu ndóꞌo̱ va, xaꞌa ya iin ndu̱u ndo xiꞌin Jesucristo, ta ndïndoso ini ndo ya kúu ndo naꞌa, na xa ndi̱xiꞌi nuu ndee kuachi ndo. Ta iin káchi tá kuꞌva táku Jesucristo, saa táku ndo xiꞌin ra ya ikan ndo ya vaꞌa chinuu vaꞌa ndo ya toꞌo Ndioxi.

ROMANOS 6:13

Nda iin ñaꞌñu ikin kuñu ndo täxi ndo ikan ya ndá ka ñaꞌa ya väꞌa. Ndinuꞌu ni ka ini ndo nditaxi ndo mií ndo ndaꞌa Ndioxi xaꞌa ya ikan ndo ya vaꞌa, ya ndaa nuu ra. Chi vitin kúu ndo naꞌa, na táku nuu ra, ta yachi tá iin na ndíi saa ndi̱xiyo ndo nuu ra. Yakan nditaxi ndiꞌi ndo mií ndo ndaꞌa ra, tá káa iin ndaꞌa chiñu ya xáa chiñu ndaku nuu Ndioxi, saa ná koo ndo xiꞌin ra.

ROMANOS 8:2

Chi xaꞌa ya xa ndu̱u yo iin xiꞌin Cristo Jesús, yakan kúu mií yo ndee Tachi I̱í Ndioxi, ya táxi kutaku yo xiꞌin ra, saa sa̱ña ra yoo ndaꞌa ley ya síndikaꞌan ni ini yo kiꞌvi yo kuachi nuu Ndioxi ta kuvi yo.

1 Corintios 12:26

Xaꞌa ya ikán kua, tá kúꞌvi iin ñaꞌñu ikin kuñu yo, ta iin kúꞌvi ndiꞌi ikin kuñu yo. Ta saa tu tá iin ñaꞌñu ikin kuñu yo kée vaꞌa ni, ta ndiꞌi ya vaꞌa ni kúni.

Efesios 2:1

Ta ndóꞌo̱, tá yachi tá täꞌan kandixa ndo Jesucristo, ta tá íin naꞌa, na xa ndíi saa ndi̱xiyo ndo nuu Ndioxi xaꞌa kuachi ya väꞌa i̱kan ndo nuu ra.

Efesios 2:5

Tá íin yo xa ndi̱xiꞌi va ndi̱xiyo yo nuu Ndioxi xaꞌa kuachi yo ya väꞌa i̱kan yo nuu ra. Vani tá íin na ndíi saa ndi̱xiyo yo ta si̱taku ra yoo kivi ndi̱kitaꞌan yo xiꞌin Jesucristo. Ndi̱xaꞌvi ni Ndioxi xaꞌa ya vaꞌa ni ra xiꞌin yo, chi ni köo ñaꞌa ndi̱kan yo ta si̱kaku uun ra yoo.

Efesios 5:14

Chi ndiꞌi ñaꞌa ya kána koo nuu ñu̱ꞌu̱ yéꞌe̱, ta iin ndútuvi teꞌe ndiꞌi va ya, íyo túvi ya yakan kua íyo tuꞌun, ya káꞌan soꞌva, káchi ya saa: “Ndikáxin ini yóꞌo̱ índuꞌu kíxi ni, vaꞌa ndikoo un tañu na ndíi, ta si̱ndiyeꞌe Cristo nuu un”, káchi tuꞌun Ndioxi.

Colosenses 2:13

Chi yachi tá íin ndóꞌo̱ ndíi saa ndi̱xiyo ndo xaꞌa kuachi ndo, ta ni tuni Ndioxi köo ndi̱xiyo ndóꞌo̱. Sundi vitin ta xa ta̱xi Ndioxi iin káchi táku ndo xiꞌin Tata yo Jesucristo, saa xa̱a kaꞌnu ini ra xaꞌa kuachi ndo.

1 Timoteo 5:6

Ta ná kuâán ná ndi̱xiꞌi ndaa, ná xíka sií, ta xáa sií ná ini mií va ná, ni táku ná, ta tá íin ná xa ndi̱xiꞌi va, saa íin ná.

Judas 1:12

Ta nda vata káꞌan yo xaꞌa yóꞌó ta nda síndiꞌi xaꞌa va ku nda vikó ya táva ndo nuu ndíkaꞌán ini ndo xaꞌa Tata yo Jesucristo, chi tá xáa nda nuu ndóo ndo ta ndee ni xíxi nda tin xíꞌi nda ndakua xáa ini nda, ndisaa xaꞌa mií va nda ndee ni ndíꞌi ini nda, ta ni köo xáa toꞌo nda Ndioxi. Tá íin nda paxto ndáa kiti sana nda, ta ndisaa xaꞌa mií va nda ndíꞌi ni ini nda kuxi nda, saa íin nda ñaa. Saa íin tu nda tá íyo vi̱kó ya köo savi ndíso, ya síndiꞌi xaꞌa tachi. Saa íin tu nda tá íin itun kuiꞌi xa xíniñuꞌu kuun kuiꞌi ndaꞌa, ta ni köo kuiꞌi kúun ndaꞌa nu. Tá íin itun ta̱va vaꞌa naꞌa tioꞌo saa íin nda. Xa ndi̱ꞌi vaꞌa xaꞌa nda.

El Apocalipsis 3:1

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó nuu tutu ya kuꞌun ndaꞌa tatun ya ndáa naꞌa, na kándixa yeꞌe nuu ndíkitaꞌan na xáa kaꞌnu na Ndioxi ñuu Sardis. Yeꞌe ku ra kúu mií uxa tachi Ndioxi, ta ndíso i uxa kiti kimi. Xíni ndiꞌi i ya íkan ndo, xíni i ya káꞌan naꞌa xaꞌa ndo ya vaꞌa ni íkan ndo, ni ínuu vaꞌa ni tuꞌun ndo ya kándixa ni ndo yeꞌe, ta süvi ya ndaa ku ya. Chi ndóꞌo̱, ta tá íin na ndíi va saa íin ndo nuu i.