San Lucas 15:17 - Xochapa Mixteco

¹⁷ Saa xa̱á ndíkani ini ra índuꞌu ra: “¡Ndisaa vi na xáa chiñu xiꞌin tata i xíxi vaꞌa na, nda ndóo ñaꞌa yuꞌu na, ta yeꞌe ndinuni loꞌo xíꞌi i soko índuꞌu i yóꞌó!

San Lucas 15:17 Mawu Ofanana

San Lucas 15:16

Ta kaꞌun ka vi ini ra, nda ñaꞌa xíxi kini xa̱á kúni ra kaxi ra, ta ni köo na taxi ya ndaꞌa ra.

San Lucas 16:23

’Ta tíxuꞌvi ka vi ra ndíkaa ra nuu ñúꞌu na ndíi. Saa si̱kuꞌun nuu ra ndi̱koto ra, ta xi̱ni ra, ra Lázaro íyo ra xiꞌin ra Abraham.

San Lucas 8:35

Ta ke̱e na ñuu xínu na kuaꞌan na koto na ya ndo̱ꞌo kini xiꞌin ra kúu mií tachi nduvaꞌa ikán. Tá ndi̱xaa na xi̱ni na xa ndu̱vaꞌa ra, xa ndi̱kaxin teꞌe ini ra ndi̱kundixi ra tikoto ra íyo koo ra xaꞌa Jesús. Ta saa ndi̱ndiꞌvi ni na.

Los Hechos 12:11

Saa ndi̱kaxin vaꞌa ini ra Pedro, ta ku̱ndaa ini ra ya ndaa kua ke̱ta ra veꞌe kàà, ñaa xa̱á ra káꞌan ra: ―Nda vitin vi kúndaa ini i ya ndixa kua ti̱ꞌvi Ndioxi tatun ra ya sikaku ya yeꞌe ndaꞌa ra Herodes xiꞌin ndiꞌi ya väꞌa kúni na judío taꞌan i ikan na xiꞌin ―káchi ra.

Los Hechos 2:37

Tá xi̱ni soꞌo nda ya ndi̱kaꞌan ra xiꞌin nda, saa ndi̱taꞌvi ni nima nda xa̱á kúsuchi ni ini nda. Ñaa ndi̱kaꞌan nda xiꞌin ra Pedro tin nda taꞌan ra, káchi nda saa: ―Ndóꞌo̱ nda taꞌan yo, ¿unkua ikan nde vitin? ―káchi nda.

Efesios 5:14

Chi ndiꞌi ñaꞌa ya kána koo nuu ñu̱ꞌu̱ yéꞌe̱, ta iin ndútuvi teꞌe ndiꞌi va ya, íyo túvi ya yakan kua íyo tuꞌun, ya káꞌan soꞌva, káchi ya saa: “Ndikáxin ini yóꞌo̱ índuꞌu kíxi ni, vaꞌa ndikoo un tañu na ndíi, ta si̱ndiyeꞌe Cristo nuu un”, káchi tuꞌun Ndioxi.