San Lucas 14:32 - Xochapa Mixteco

³² Tá ndi̱kani xiní ra küchiñu na túvi ra, ta saa tíꞌvi ra sava nda lapa ra kuaꞌan nda nuu ra rey ikán, yachi ka tá täꞌan kixi ra nuu kuachi. Kuaꞌan nda káꞌan nda xiꞌin ra kíndoo nda ya mani xiꞌin taꞌan nda.

San Lucas 14:32 Mawu Ofanana

San Mateo 5:25

’Ta vaꞌa ka kama ni ndikundee ndo xaa súvi ndo kuachi ndo xiꞌin taꞌan ndo tá xíka ndo kuaꞌan ndo ichí, tá täꞌan xaa ndo nuu juez. Chi tá köo xáa suvi kama ndo ya xiꞌin taꞌan ndo, ta kundaka na ndóꞌo̱ kuꞌun ndo xiꞌin na nuu juez. Ta ra juez ikán nditaxi ndóꞌo̱ ndaꞌa na policía ta na ikán taan na ndóꞌo̱ veꞌe kàà.

San Mateo 5:42

Tá ndá naꞌa ndúku ndá ka ñaꞌa nuu ndo, ta taxi ndo ya ndaꞌa na. Tá ndá na ndúku too ñaꞌa nuu ndo ta taxi too ndo ya ndaꞌa na ―káchi Jesús.

San Lucas 12:58

Tá íyo iin taa ra táxi kuachi xaꞌa ndo nuu na chiñu, ta kama ka xaa nani ndo kuachi ndo xiꞌin ra tá xíka ndo kuaꞌan ndo ichí, tá täꞌan kuꞌun ra xiꞌin ndo veꞌe chiñu, süvi ka vi ya kuꞌun ra xiꞌin ndo nuu na juez, ta na ikán nditaxi na ndóꞌo̱ ndaꞌa na policía, saa kiꞌin na ndóꞌo̱ taan na veꞌe kàà.

San Lucas 14:31

Ñaa ndi̱kaꞌan tuku ra inka tuꞌun ndíchi xiꞌin na, káchi ra saa: ―Tá íyo iin rey kúni kani taꞌan xiꞌin inka rey ta xiꞌna ndíkani vaꞌa xiní ra án kuchiñu uxi mil nda lapa ra kani taꞌan na xiꞌin oko mil nda lapa inka ra rey ikán.

San Lucas 14:33

Saa ndiꞌi ndóꞌo̱ tá tu köo xáꞌa ndee ini ndo sindoo ndo ndiꞌi ñaꞌa ya kúu mií ndo, ta küchiñu ndo kundikun ndo yeꞌe ―káchi Jesús.

San Lucas 19:14

Ta mií na ñuu ra ni köo kúni na xíni ñaꞌa na. Kúndasi nuu na xíni na ra. Ñaa tá ke̱e ra kuaꞌan ra ta ti̱ꞌvi na ñuu ra sava nda taa, ndi̱kundikun nda kuaꞌan nda sata ra kaꞌan nda xiꞌin mií ra rey ra kaꞌnda chiñu xaꞌa ra ya ná täxi ra chiñu ndaꞌa ra nduu ra rey. Saa chi köo kúni na xíni ñaꞌa na,

Los Hechos 12:20

Ta xa yachi vi sáa ra rey Herodes ikán xíni ra na ñuu Tiro xiꞌin na ñuu Sidón. Saa kúni na ikán ndikitaꞌan mani na xiꞌin ra, chi ñaꞌa xíxi na ta ñuu nuu xáꞌnda chiñu ra kée ya. Xaꞌa ya ikán kua chi̱taꞌan tuꞌun na ndá kuꞌva koo nuu ndikitaꞌan mani na xiꞌin ra. Ñaa nda̱sa migo na iin ra kúu mií chiñu ndee veꞌe mií ra rey ikán, ta Blasto náni ra ikán. Ta tixin ra Blasto ikán kuchiñu na ndikitaꞌan mani na xiꞌin ra Herodes kúni na.