San Lucas 14:27 - Xochapa Mixteco

²⁷ Tá tu kúni ndo kundikun ndo yeꞌe ta vaꞌa kundiso ndo cruzin ndo ta saa kundikun ndo yeꞌe.

San Lucas 14:27 Mawu Ofanana

San Mateo 10:38

Ndiꞌi na köo xíin kusoko cruzin mií na, ta xïin na xaa súvi na tuꞌun i, ta na yóꞌó, ta köo kúu mií na ichí kundikun na yeꞌe.

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

San Marcos 10:21

Saa ndi̱koto Jesús nuu ra ta ndi̱taꞌvi ni ini ra xi̱ni ñaꞌa ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siin ya ikan un. Kuáꞌan xiko ndiꞌi ñaꞌa ya kúu mií un, ta chindee un na ndaꞌvi. Saa kua kuchiñu ndukuika un xiꞌin Ndioxi nuu ndivi. Xaa súvi ya ñaa, ta saa kixi un kundikun un yeꞌe, vani tixuꞌvi un án nda kuvi un xaꞌa i ―káchi Jesús xiꞌin ra.

San Marcos 15:21

Tá kuaꞌan nda xiꞌin ra, saa yáꞌa iin taa ndi̱xaꞌan ra iku, ta ra ke̱e ñuu Cirene ku ra, ta náni ra Simón. Ta iva ra Alejandro xiꞌin ra Rufo ku ra ikán. Ta yáꞌa ra kuanuꞌu ra veꞌe ra ñuu Jerusalén, saa xa̱a nduxa nda lapa xiꞌin ra ndi̱kundiso ra cruzin Jesús.

San Lucas 14:28

Chi tá kúu ndóꞌo̱ xíka ini sikuaꞌa iin veꞌe, ná kachi yo, ta ¿án süvi xiꞌna xíniñuꞌu ndo koo ndo ndikani ini ndo ndisaa xuꞌun kusiki ndo xiꞌin ya, saa xinu ya?

San Juan 19:17

Ta saa ke̱ta Jesús ndíso ra cruzin kuaꞌan ra xiꞌin na. Ta ndi̱xaa ra xiꞌin na ñaꞌñu nuu náni Leke Xiní Ndìì, ta tuꞌun hebreo náni ya Gólgota.

Los Hechos 14:22

Tá ndi̱xaa nda iin iin ñuu ikán saa ta̱xi ka nda ndee ndaꞌa na ndíkun Jesús ya ná kundaa ni ka ini na kuni na ra. Ta saa ndi̱kaꞌan ka ra Pablo xiꞌin na, káchi ra saa: ―Xíniñuꞌu yo ndoꞌo ni yo saa kuchiñu yo kiꞌvi yo koo yo xiꞌin Ndioxi nuu xáꞌnda chiñu ra ―káchi ra xiꞌin na.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

2 Timoteo 3:12

Ta xa xíni yo, na kúni kundikun ichí Tata yo Jesucristo, ta ndee ni va kundoꞌo na ikan naꞌa, na köo xíni tuꞌun ra.