San Lucas 14:22 - Xochapa Mixteco

²² Ñaa ke̱e ra moso ikán ndi̱xaꞌan ra ndi̱kaya ra na. Saa xa̱á ra káꞌan ra xiꞌin xitoꞌo ra, káchi ra saa: “Tata, xa i̱kan ndiꞌi i ya ndi̱kaꞌan un xiꞌin i, ta núna ka va nuu mesa”, káchi ra.

San Lucas 14:22 Mawu Ofanana

San Lucas 14:21

Saa ndi̱ko koo ra moso ikán veꞌe ndi̱tuꞌun ndiꞌi ra xiꞌin xitoꞌo ra unkua ndi̱kaꞌan na xiꞌin ra. Ñaa ndi̱saa ni xitoꞌo ra, ndi̱kuiin ra káchi ra saa: “Ná koo na saa tá tu köo kúni na kixi na. Kuáꞌan ndiꞌi ni kúu ichí naꞌnu tin ichí vali, ndikuiso ndiꞌi un na ndaꞌvi, na köo ndaꞌa xiꞌin na küvi kaka xiꞌin na kuáa̱. Na ñaa kundaka un kixi xiꞌin un”, káchi ra xiꞌin moso ra.

San Lucas 14:23

Saa ndi̱kuiin xitoꞌo ra káꞌan ra: “Tá tu núna ka, ta kuáꞌan ndiꞌi ni kúu ichí naꞌnu tin ichí vali ndikuiso un na ná kixi na xiꞌin un. Tá köo xíin na kixi na xiꞌin un ta sixinu un ini na ná kixi na xiꞌin un. Ta saa chutu ndaa na veꞌe i.

San Juan 14:2

Veꞌe Iva i, ta íyo kuaꞌa ni nuu koo ndo. Tá tu süvi ya ndaa kua ta käꞌan i saa xiꞌin ndo, ndikuu. Ta vitin kuꞌun i xaa vií i nuu koo ndo.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Colosenses 2:9

Ta iin tá kuꞌva íyo ini mií Iva yo Ndioxi iin kuꞌva ndaa saa íyo tu ikin kuñu mií Tata yo Jesucristo va.

1 Juan 2:2

Chi Jesucristo ku ra ndi̱soko mií, ndi̱xiꞌi ra xaꞌa kuachi ndiꞌi yo yakan vaꞌa xa̱a kaꞌnu ini Ndioxi xaꞌa yo. Ta süvi iindaa xaꞌa kuachi yoo ndi̱xiꞌi ra. Ndi̱xiꞌi ra xaꞌa kuachi ndiꞌi ni kúu na ñuu ivi.