San Lucas 14:18 - Xochapa Mixteco

¹⁸ Saa ke̱e ndixa ra moso ikán kuaꞌan ra ndikuiso ra na. Ndi̱xaa ra iin veꞌe, ta ndi̱kaꞌan ra xiꞌin iin taa ya kuꞌun ra kuxina ra. Saa ndi̱kuiin ra ikán káchi ra saa: “Xaa kaꞌnu ni ini un, künaꞌa i kuꞌun i xiꞌin un, chi sikan sa̱ta i iin ñuꞌú ta xíniñuꞌu loꞌo i kuꞌun i koto i ya”, káchi ra.

San Lucas 14:18 Mawu Ofanana

San Lucas 14:17

Tá ti̱ndaa hora kuxina na, saa ndi̱kaꞌan ra xiꞌin ra xáa chiñu nuu ra, káchi ra saa: “Kuáꞌan kaꞌan un xiꞌin na ná kixi na kuxini na chi xa íyo ndúvi ndiꞌi ya, kachi un xiꞌin na”.

San Lucas 14:19

Ñaa ke̱e ra moso ikán ndi̱xaa ra inka veꞌe, ta ndi̱kuiin inka ra ikán káchi ra saa: “Xaa kaꞌnu ni ini un, künaꞌa i kuꞌun i xiꞌin un, chi sikan sa̱ta kuiti i uꞌun yunta sindiki, ta xíniñuꞌu i kuꞌun i koto ndoso loꞌo i ri”, káchi ra.

San Lucas 18:24

Tá xi̱ni Jesús ya ndi̱kava ni ini ra ta saa ndi̱kaꞌan ra, káchi ra saa: ―¡Uꞌvi ni saa kiꞌvi na kuika koo na nuu xáꞌnda chiñu Ndioxi!

San Lucas 8:14

Ta siꞌva ri ndi̱koyo nuu iñú ku na xíni soꞌo tuꞌun Ndioxi, ta saa loloꞌo vaxi ya síndiꞌi ini na, án ndíꞌi ini na xíka ini na xaꞌa ya kuika, án táa ini na íkan na ya kúsini na, ta köo íkan ka na ya vaꞌa tá íin itun táxi kuiꞌi vaꞌa.

San Juan 1:11

Ki̱xi ra nuu na ñuu ra, ta na ñuu ra köo ndi̱xiin na ndikiꞌin ñaꞌa na.

San Juan 5:40

Sundi ndóꞌo̱ ta köo xíin ndo kixi ndo nuu i ya taxi i ichí ndaꞌa ndo koo ndo xiꞌin Ndioxi ndiꞌi saa kivi ya vaxi.

Filipenses 3:4

Tá tu xaꞌa chiñu ya íkan yo kua kaku yo túvi sava na, ta xiꞌna yeꞌe ku ra kama ni kaꞌan ya xa ndi̱kaku i, saa chi kuaꞌa ni ka va ya vaꞌa i̱kan yeꞌe.

2 Timoteo 4:10

Saa chi ra Demas, ta si̱ndoo ndaꞌa va ra yeꞌe, saa ke̱ta ra kuaꞌan ra chí ñuu Tesalónica, xaꞌa ya kútoo ni ra xíni ra ñaꞌa ñuu ivi yóꞌó kua i̱kan ra saa xiꞌin i. Inka ra Crescente, ke̱e kuaꞌan chí Galacia. Inka ra Tito, ke̱e kuaꞌan chí Dalmacia.

2 Timoteo 4:4

Ta kuxika na ichí Ndioxi ya vaꞌa, ya ndaa, küaꞌa ka na kuni soꞌo na ya, saa xaá na kuni soꞌo na kuento vata.

HEBREOS 12:16

Ta nda iin ndóꞌo̱, käka sií xiꞌin ñaꞌa án xiꞌin taa, ta ni kündasi nuu ndo kuni ndo Ndioxi tá kuꞌva i̱kan ra Esaú xinaꞌa. Chi xaꞌa ya kúu ra seꞌe núnu̱ú iva siꞌí ra kua ku̱u mií ra ichí ya ndikiꞌin ra ya vaꞌa ndaꞌa na, sundi ra ikán, ta ndi̱xiko ra ya xaꞌa iin koꞌo loꞌo ñaꞌa xíxi.