San Lucas 14:11 - Xochapa Mixteco

¹¹ Saa chi ndiꞌi na chínuu mií tuꞌun ta kukaꞌan nuu na, ta ndiꞌi na köo chínuu mií tuꞌun ta ndikunuu vaꞌa ni tuꞌun na ―káchi ra xiꞌin na.

San Lucas 14:11 Mawu Ofanana

San Mateo 23:12

Saa chi ndiꞌi na xáa kaꞌnu xiꞌin mií, ta nduu na ni̱nu̱ ni ikan Ndioxi, ta ndiꞌi na xáa ni̱nu̱ xiꞌin mií ta nduu na, na naꞌnu ni ikan Ndioxi ―káchi Jesús.

San Lucas 1:51

Xiꞌin ndee kúu mií ra i̱kan ra chiñu ndee ni, ta na ndíkani ini ndee ni na túvi na ta ndi̱saka nuu ndiꞌi ra ya ndíkani ini na.

San Lucas 1:52

Xiꞌin ndee ra ki̱ndaa ra ndee kúu mií na chiñu naꞌnu ni. Ta nda̱niꞌi ra na ndaꞌvi, na ni̱nu̱ ni kúni.

San Lucas 14:12

Ta saa ndi̱kaꞌan Jesús xiꞌin ra fariseo xákin viko ikán, káchi ra saa: ―Tá íkan un viko veꞌe un, táxi un kuxi na án kuxini na, ta käna un migo un, ni ñani un, ni na taꞌan un, ni na kuika ndóo yati xiꞌin un. Käna un na kixi na kuxi na xiꞌin un, saa chi vaxi kivi ta kana na yóꞌó kuꞌun un kuxi un veꞌe na, ta saa ndunuu ñaꞌa un ya xi̱xi na.

San Lucas 18:14

Ta ra ikán ku ra ki̱ndoo vaꞌa ka nuu Ndioxi. Süvi ka vi ra fariseo ndi̱kindoo vaꞌa nuu Ndioxi, saa chi ndiꞌi na chínuu vaꞌa tuꞌun ta síndikava ndaa Ndioxi na ni̱nu̱, ta ndiꞌi na síndikava ndaa xiꞌin mií na ikán ku na ndíkunuu sukun ni tuꞌun ikán Ndioxi ―káchi Jesús.

Santiago 1:9

Ta ndóꞌo̱ ñani yo, ndóꞌo̱ kúndaꞌvi ni, ta ná kusini ni ndo, chi ndáa yaꞌvi ni ndo nuu Iva yo Ndioxi.

Santiago 4:10

Kusiti ndo nuu Iva yo Ndioxi, sindikava ndo ini ndo nuu ra ta xaa kaꞌnu ini ra xaꞌa ndo.

Santiago 4:6

Ta ndee ni ka ndee ya vaꞌa táxi mií Iva yo Ndioxi íyo xiꞌin yo, yakan kua káꞌan tuꞌun ra, káchi ya saa: “Kúndasi nuu va Ndioxi xíni ra naꞌa, na ndee ni kútai ini nuu ra, ta táxi ni va ra ya vaꞌa kúu mií ra ndaꞌa naꞌa, na ni̱nu̱ kúni, na ndáꞌvi kúni nuu ra”, káchi ya.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.

1 Pedro 5:6

Ta xaꞌa ya ikán kua xaa ni̱nu̱ xiꞌin mií ndo tixin ndee chee ni kúu mií Ndioxi, saa tá ti̱ndaa kivi ya chi̱tuni mií ra saa kua xaa kaꞌnu ra ndóꞌo̱.