San Lucas 13:33 - Xochapa Mixteco

³³ Sundi vitin xiꞌin taan tin isa xíniñuꞌu i kaka i xaa chiñu i, ta saa xaa i ñuu Jerusalén. Chi väꞌa kéta ya kaꞌni na iin ra káꞌan ndoso tuꞌun yuꞌu Ndioxi inka ñuu ―káchi Jesús xiꞌin nda fariseo.

San Lucas 13:33 Mawu Ofanana

San Mateo 20:18

―Vitin kuaꞌan yo ñuu Jerusalén, ta ikán ku nuu nditaxi na yeꞌe Taa ra xa̱a ñuu ivi yóꞌó ndaꞌa sutu nda naꞌnu nuu sutu, xiꞌin nda sínaꞌa ley Ndioxi, ta kaꞌnda nda ikán chiñu ya kaꞌni na yeꞌe.

San Mateo 21:11

Saa ndi̱kuiin na kuaꞌan xiꞌin Jesús, káꞌan na: ―Jesús, ra profeta ku ra, ra ke̱e ñuu Nazaret estado Galilea ku ra ―káchi na.

San Lucas 9:53

Ta köo ndi̱xiin na ñuu ikán taxi na nuu kusun ra, saa chi ki̱ꞌin na kuenta xiꞌin ra ya kuꞌun ra ñuu Jerusalén. Ta xaꞌa ya ikán kua köo ndi̱xiin na taxi na nuu kusun ra.

San Juan 11:54

Xaꞌa ya ikán kua köo ndi̱xika ndikuu ra tañu na judío. Ku̱xika ra nuu na ke̱ta ra kuaꞌan ra estado Judea ta ndi̱kiꞌin ra kuaꞌan ra yati iku yuyu iin ñuu náni Efraín. Ta ikán ndi̱ndoo ra xiꞌin nda ítaꞌan xiꞌin ra.

San Juan 11:9

Saa ndi̱kuiin Jesús, káꞌan ra: ―Uxi uvi hora kúu mií iin kivi. Ta iin na xíka nduvi ta käkiꞌi xaꞌa na nduva na, chi nduvi kua xíka na ta túvi nuu na xiꞌin ya yéꞌe̱ ñuu ivi yóꞌó.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 9:4

Ta xíniñuꞌu i xaa súvi i chiñu ra ti̱ꞌvi yeꞌe vaxi i, chi vitin ta tá káa nduvi saa káa ya, ta vaxi kivi ta tá káa ñuu saa nduu ya, ta nda iin naꞌa küchiño xaa chiñu.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 13:27

Na ñuu Jerusalén xiꞌin na xáꞌnda chiñu nuu na ta köo ndi̱xiin na ndikuni na Jesús, ni tuꞌun ya ta̱a nda ndi̱kaꞌan ndoso tuꞌun yuꞌu Ndioxi ya káꞌvi na ndiꞌi saa kivi i̱í tá ndíkundee yo ta köo ndi̱kundaa ini na xiꞌin ya yakan xa̱ꞌni na Jesús nuu si̱xinu na ya ta̱a nda ikán.