San Lucas 13:24 - Xochapa Mixteco

²⁴ ―Xaꞌa ni ndo ndee ya kiꞌvi ndo yéꞌé ya táñú ni ya kuaꞌan nuu íyo Ndioxi, chi kuaꞌa ni naꞌa kúni kiꞌvi ta küchiñu na kiꞌvi na.

San Lucas 13:24 Mawu Ofanana

San Mateo 11:12

Saa ndi̱kaꞌan tuku ra, káchi ra saa: ―Nda kivi xa̱á ra Juan káꞌan ndoso ra tuꞌun Ndioxi, iin saa nda kivi vitin íyo ni naꞌa káni taꞌan ya kúni na sindiꞌi xaꞌa na ichí nuu xáꞌnda chiñu Ndioxi, ni saa ndóꞌo ya, ta ndisaa naꞌa, na ndaku ni ini ku na kúchiñu kuakiꞌvi koo nuu xáꞌnda chiñu Ndioxi.

San Lucas 13:23

Tá kuaꞌan ra ta ndi̱ndakan tuꞌun ñaꞌa iin ra taa káchi ra saa: ―Tata, ¿án loꞌo ni va ku naꞌa na sikaku Ndioxi? ―káchi ra ikán. Saa ndi̱kuiin Jesús káꞌan ra:

San Lucas 21:36

Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.

San Juan 5:4

Saa chi sava kivi núu iin tatun Ndioxi síkanda ya tikuii, ta na xiꞌna kúnumi kéta ini rá ta ndikun ndúvaꞌa na xiꞌin ndiꞌi ndá ka mií nuu kueꞌe ya kúu mií na.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

San Juan 7:34

Ta saa ndinduku ndo yeꞌe, ta küchiñu ndo niꞌi ndo yeꞌe, chi nuu kuꞌun i ta ndóꞌo̱ küchiñu ndo kuꞌun ndo ―káchi ra xiꞌin na.

San Juan 8:21

Saa ndi̱kaꞌan tuku Jesús xiꞌin nda, káchi ra saa: ―Yeꞌe ta kuꞌun i, ta saa ndinduku ni ndo yeꞌe ta nïꞌi ndo yeꞌe. Ta ndóꞌo̱ ta kuvi ndo xaꞌa kuachi ndo. Chi nuu kuꞌun i ta küvi kuꞌun ndo ―káchi ra xiꞌin nda.

ROMANOS 10:3

Täꞌan kundaa ini na ndá kuꞌva kua nduu na, naꞌa na vaꞌa, na köo ka kuachi ku mií nuu Ndioxi. Ta ku̱ni na ikan na ya kúni mií na, süvi tá kuꞌva kúni mií Ndioxi kua.

Colosenses 1:29

Xaꞌa ya yóꞌó kua chíkaa ni i ndee xiꞌin chiñu ya íkan i nuu Tata yo Jesucristo, chi mií ra ku ra táxi ni ndee ndaꞌa i xáa chiñu ni i nuu ra xiꞌin ndee ra ya ndee ni íyo xiꞌin i.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

2 Pedro 1:10

Yakan ndóꞌo̱, ta xíniñuꞌu ndo tuun ni kundikun ndo ichí Tata yo Jesucristo nuu ndínaꞌa ndo mií ndo, ya ka̱na ra ndóꞌo̱ saa ndi̱kaxin ra ndóꞌo̱ ya kundikun ndo ra. Tá ná ikan ndo saa ta nda iin kivi köyo ndo nuu kuachi ya ikan ndo ya väꞌa.