San Lucas 13:13 - Xochapa Mixteco

¹³ Ta saa chi̱nuu ndaꞌa ra sata yá. Tá chi̱nuu soꞌva ra ndaꞌa ra, ñaa ndikun ndu̱ndaku sata yá. Saa xa̱á yá xáa kaꞌnu yá Ndioxi.

San Lucas 13:13 Mawu Ofanana

San Mateo 9:8

Tá xi̱ni naꞌa ya ndu̱vaꞌa ra ikán, saa ndi̱kanda ni ini na, ta xa̱a kaꞌnu na Ndioxi xaꞌa ya ta̱xi ra ndee ra ndaꞌa na ñuu ivi yóꞌó.

San Marcos 16:18

Tá tu ná tiin na ko̱ó kueꞌe, ta tïin ri na, tá tu ná koꞌo sana na ndá ka ñaꞌa ñúꞌu tatan xatu xiꞌin, ta sïkuaꞌa ya kueꞌe xiꞌin na, ta chinuu ndaꞌa na sata na kúꞌvi, ta nduvaꞌa na ―káchi Jesús xiꞌin nda ítaꞌan xiꞌin ra.

San Marcos 5:23

Saa xa̱á ra xáku ndaꞌvi ra nuu ra, káchi ra saa: ―Tata, vaxi i nuu un kuꞌun loꞌo un xiꞌin i veꞌe i, saa chi ndee ni ndee ndóꞌo seꞌe i xa xíꞌi va yá, yakan xíkan ni i ya mani nuu un, kuꞌun loꞌo un xiꞌin i, chinuu ndaꞌa un sata seꞌe i ta nduvaꞌa yá ―káchi ra.

San Marcos 6:5

Xaꞌa ya ikán köo ndi̱kan ra kuaꞌa yatuꞌun, uvi ndaa va ku na kúꞌvi chi̱nuu ndaꞌa ra sata, ta si̱ndaꞌa ra na.

San Marcos 8:25

Ñaa chi̱nuu tuku Jesús ndaꞌa ra sata nduchi nuu ra ikán. Ta saa ku nuu ndi̱xuna vaꞌa nuu ra, ñaa ndu̱vaꞌa nuu ra xa̱á túvi vaꞌa nuu ra, vaꞌa xíto ra nuu xíka ni.

San Lucas 13:12

Tá xi̱ni Jesús yá, ta saa ka̱na ra yá ndi̱kaꞌan ra xiꞌin yá, káchi ra saa: ―Nana, xa ndu̱vaꞌa un xiꞌin kueꞌe ya ndóꞌo un, xa ndi̱saña un ndaꞌa ya ―káchi ra xiꞌin yá.

San Lucas 18:43

Ñaa ndikun ndi̱kuna nuu ra. Saa ndi̱kundikun ra kuaꞌan ra xiꞌin Jesús, káꞌan ra ya vaꞌa xaꞌa Ndioxi kuaꞌan ra. Saa tu na xi̱ni ndi̱xuna nuu va ra, xa̱á na káꞌan na ya vaꞌa xaꞌa Ndioxi.

San Lucas 4:40

Saa ku̱u ndi̱keta ñu̱ꞌu ta kuaꞌa ni na ndáka na taꞌan na, na kúꞌvi xiꞌin kuaꞌa ni nuu kueꞌe, ndáka ñaꞌa na ndixaa na nuu Jesús, saa ti̱in ndaa ra iin iin na, ta si̱nduvaꞌa ra na.

Los Hechos 9:17

Saa ke̱e ndixa ra ikán kuaꞌan ra veꞌe nuu íyo ra Saulo. Ndi̱xaa ra chi̱nuu ndaꞌa ra xiní ra, ta ndi̱kaꞌan ra xiꞌin ra, káchi ra saa: ―Ñani Saulo, Tata yo Jesús, ra ndi̱tuvi nuu un tá vaxi un ichí, ra ikán ku ra ti̱ꞌvi yeꞌe vaxi i kaꞌan i xiꞌin un ya ná ndikuna tuku nuu un, ta ndikiꞌin un Tachi I̱í Ndioxi koo ya xiꞌin un ―káchi ra Ananías xiꞌin ra Saulo.