San Lucas 12:50 - Xochapa Mixteco

⁵⁰ Ndíkani ni ini i xaꞌa ya ndee ni kundoꞌo i, ta xaꞌa ya ikán kua nduu i tá káa ra chíchi nuu Ndioxi. Ta nda vitin ta ndíꞌi ni ini i ndátun i nda kivi ná xinu koo tiempo ya kuu saa.

San Lucas 12:50 Mawu Ofanana

San Mateo 3:6

Saa tá xi̱ni soꞌo na, ta xa̱á na náꞌma na kuachi na nuu ra. Ta síkuchi ra na ikán ini ita Jordán.

San Lucas 12:49

Saa ndi̱kaꞌan ka Jesús, káchi ra saa: ―Yeꞌe, tá káa iin taa ra ndíkaꞌmi ñu̱ꞌu̱ saa káa ya íkan i xa̱a i ñuu ivi yóꞌó. ¡Ta kúni ni i ná ndikoko kii ya!

San Juan 18:11

Saa ndi̱kaꞌan Jesús xiꞌin ra Pedro, káchi ra saa: ―Chivaꞌa i̱chi un ini iín nuu ndíkaa ya. Saa chi xa saa chi̱tuni Ndioxi ya ndee ni uꞌvi tixuꞌvi i, ta yeꞌe xíniñuꞌu i xaa súvi i tindoꞌo ya uꞌvi ni yóꞌó ―káchi ra xiꞌin ra Pedro.

San Juan 19:30

Tá ndiꞌi xi̱ꞌi Jesús nduta vinu iyá ikán saa ndi̱kaꞌan ra: ―Vitin ku nuu ndi̱xinu ndiꞌi ya ―káchi ra. Saa ndi̱kuita ndee xiní ra ta ndi̱taxi ra ya vaꞌa ra ndaꞌa Ndioxi, ñaa ndi̱xiꞌi ra.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 7:10

Tá ndiꞌi kuaꞌan nda ñani ra, saa ndi̱kiꞌin tu mií va ra kuaꞌan ra viko ikán, ta küaꞌan túvi ra, kuaꞌan sěꞌe va ra.

Los Hechos 20:22

Ta vitin kuꞌun ndaku i ñuu Jerusalén, saa chi saa íyo ya kúni Tachi I̱í Ndioxi. Ta köo xíni i unkua kundoꞌo i ñuu ikán.