San Lucas 12:48 - Xochapa Mixteco

⁴⁸ Sundi tá íyo iin ra moso, ta köo xíni ra ini xitoꞌo ra unkua kúni ra ikan ra, ta loꞌo ni va ndoꞌo ra xaa xitoꞌo ra. Saa ndiꞌi ndóꞌo̱, tá tu kuaꞌa ni ya vaꞌa táxi Ndioxi ndaꞌa ndo ta kuaꞌa ni ya vaꞌa nduku ra nuu ndo. Tá tu kuaꞌa ni ya kúndaa ini ndo xaꞌa ra ta kuaꞌa ni ya nduku ra nuu ndo ―káchi Jesús xiꞌin na.

San Lucas 12:48 Mawu Ofanana

San Mateo 13:12

Saa chi na kúndaa ini tuꞌun káꞌan i, ta Ndioxi ku ra táxi kundaa vaꞌa ka ini na, ta na xïin kundaa ini ya káꞌan i, ta nda ya loꞌo kúndaa ini na ndundaa ya ndaꞌa na.

San Mateo 23:14

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Väꞌa íkan ndo chi kíndaa ndo veꞌe ná ndi̱ndoo ndaa. Tá kuaꞌan ndo veꞌe ñuꞌu sinagoga ta xáa ndo káꞌan naꞌa ni ndo xiꞌin Ndioxi, ya kúni ndo ndikani ini naꞌa ya vaꞌa ni ndo nuu Ndioxi. Xaꞌa ya ñaa ta ndee ni ka sitixuꞌvi Ndioxi ndóꞌo̱ nuu inka naꞌa.

San Lucas 12:41

Saa ku̱u ta ndi̱kaꞌan ra Simón Pedro xiꞌin Jesús ndákan tuꞌun ñaꞌa ra, káchi ra saa: ―Tata, ¿án ndisaa xiꞌin ndeꞌe ndi̱kaꞌan un tuꞌun ndíchi ikán án nda ndiꞌi va na ndi̱kaꞌan un ya xiꞌin? ―káchi ra xiꞌin Jesús.

San Lucas 12:49

Saa ndi̱kaꞌan ka Jesús, káchi ra saa: ―Yeꞌe, tá káa iin taa ra ndíkaꞌmi ñu̱ꞌu̱ saa káa ya íkan i xa̱a i ñuu ivi yóꞌó. ¡Ta kúni ni i ná ndikoko kii ya!

San Lucas 16:2

Ñaa ka̱na ñaꞌa ra káꞌan ra xiꞌin ra, káchi ra saa: “¿Án ya ndaa kua sísiki ni un xuꞌun i che? Ta vitin kúni i taxi un kuenta ndaꞌa i xaꞌa ndiꞌi chiñu íkan un, saa chi küvi ka xaa chiñu un xiꞌin i”, káchi xitoꞌo ra xiꞌin ra.

San Juan 15:22

’Tá tu köo ndi̱kixi i ñuu ivi yóꞌó ndituꞌun i xiꞌin na, ta köo kuachi na, ndíkuu. Ta vitin ta küvi kaꞌan na ya köo xíni na, chi xa ndi̱tuꞌun i ya ndaa xiꞌin na, yakan ndíso mií na xaꞌa kuachi na, chi xa ku̱ndaa ini na xaꞌa ya ndaa ta köo xíin na xaa súvi na ya.

Los Hechos 17:30

Xinaꞌa ta köo ndi̱xaa ndikuu Ndioxi xiꞌin yo köo ndi̱kundaa ini xaꞌa ra. Sundi vitin ta xáꞌnda chiñu ra nuu ndiꞌi kuu yo ñuu ivi ya ná ndiko koo ini yo, sindoo yo ichí väꞌa kuaꞌan yo.

1 Timoteo 1:11

Ta naꞌa, na íkan ya väꞌa, ta köo íyo yuꞌu na xiꞌin tuꞌun vaꞌa ya ndaa, ya luvi ni sínaꞌa yo, chi mií Ndioxi ra vaꞌa ni ku ra ta̱xi chiñu ikán ndaꞌa i ya kaꞌan ndoso i ya xiꞌin naꞌa.

1 Timoteo 1:13

Chi yachi ta ndi̱kaꞌan ndikuu ni va i xaꞌa Tata yo Jesucristo, saa xa̱a ndu̱vaꞌa ni i xiꞌin na ndíkun sata ra, ta ndi̱kaꞌan kini ni i xaꞌa ra. Vani saa i̱kan i ta ku̱ndaꞌvi ni ini ra xi̱ni ra yeꞌe, saa chi yeꞌe köo ndi̱kundaa ini va ku i, yeꞌe naá nuu va ndi̱xiyo i, yakan i̱kan i saa.

1 Timoteo 6:20

Ñani yo Timoteo, chikaa ni un ndee ya xaa súvi un chiñu ya ta̱xi Ndioxi ndaꞌa un. Ta küni soꞌo un tuꞌun síki, ya köo ndáa yaꞌvi ya káꞌan naꞌa, na káꞌan ndee ni ndíchi na, xíni ni na tuꞌun Ndioxi, saa íyo ni ya xínituni na, káchi na, ta süvi ya ndaa kua ya síki va kua káꞌan na.

Tito 1:3

Ta vitin ku nuu ndi̱xinu kivi ya ndi̱naꞌa Iva yo Ndioxi ra síkaku yoo, ndi̱naꞌa ra tuꞌun vaꞌa xaꞌa Tata yo Jesucristo nuu ndiꞌi naꞌa. Xaꞌa ya ikán kua ti̱ꞌvi ra yeꞌe ya kaka i kaꞌan ndoso i tuꞌun ra xiꞌin naꞌa.

Santiago 3:1

Ñani mani, ná köo kuaꞌa ni na sínaꞌa tuꞌun Ndioxi tañu ndo, saa chi xa kúndaa ini mií ndo yáꞌa ni ka va ndee sitaxin Ndioxi yoo sínaꞌa tuꞌun ra, nuu na ivi taꞌan yo na ndíkun ra.