San Lucas 12:45 - Xochapa Mixteco

⁴⁵ Sundi tá tu ná ndikani ini ra moso ikán, kachi ra saa: “Ndïko koo yachi xitoꞌo yo”, ná kachi ra. Ta saa xa̱á ra xaa nduvaꞌa ra xiꞌin nda taa tin ná ñaꞌa xáa chiñu nuu xitoꞌo ra, ta xa̱á ra kuxi ra tin koꞌo ra iin xíni mií ra.

San Lucas 12:45 Mawu Ofanana

San Mateo 22:6

ta inka na ti̱in nda moso ra rey ikán, ka̱tun na nda ta xa̱a nduvaꞌa ni na xiꞌin nda, xa̱ꞌni na nda.

San Lucas 12:44

Tá tu xi̱ni ra vaꞌa ni xáa chiñu moso ra, ta chinuu ñaꞌa ra ndikunuu ka ra ni̱nù ikán xitoꞌo ra.

San Lucas 12:46

Ta ni köo xíka ini ra ya ndiko koo yachi xitoꞌo ra. Tá ná ndikoo koo xitoꞌo ra, ta xaa nduvaꞌa ni ra xiꞌin ra. Tava ñaꞌa ra kuꞌun ra xiꞌin na väꞌa, na köo ndaa ini.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

San Juan 2:10

ndi̱kaꞌan ra xiꞌin ra, káchi ra saa: ―Ndiꞌi naꞌa ta táxi na vino rá vaꞌa ni ndaꞌa na xáa nuu viko. Sindiꞌi tá xi̱ꞌi ni na ndi̱xini na, ta saa táva na nduta núú táxi na ndaꞌa na. Sundi yóꞌo̱ ta nda vitin chi̱vaꞌa un vino rá vaꞌa ni ―káchi ra xiꞌin ra.

Los Hechos 2:18

Ta kivi ikán taxi i Tachi i koo ya xiꞌin na xáa chiñu nuu i: taa ku ra, ñaꞌa ku ná, ndiꞌi na taxi i ya ndaꞌa ya kaꞌan ndoso na tuꞌun yuꞌu i.

ROMANOS 16:18

Naꞌa na íkan saa, ta köo ndíkun na Jesucristo, ndisaa ya kúni mií na íkan na. Vaꞌa ni káꞌan na, luvi ni káꞌan na ya síndaꞌvi na naꞌa, na kándixa ndiꞌi ndá ka mií ñaꞌa ya xíni soꞌo na.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

1 Tesalonicenses 5:7

Chi naꞌa, na kíxi, ta ñǔu kíxi na, ta na xíꞌi ta ñǔu xíꞌi na.

2 Pedro 2:13

Ta ndee ni kundoꞌo nda xaꞌa ya väꞌa íkan nda chi kúsini ni nda ya íkan nda saa xiꞌin ikin kuñu nda. Ta ni köo xáꞌnu nda mií nda, nduvi teꞌe íkan nda saa nuu ndiꞌi naꞌa. Tá kivi táva ndo viko ta kána ndo nda xáa nda xíxi xíní nda xiꞌin ndo, ta xaꞌa ya kaꞌa̱n ni nuu íkan nda kua sítivi ndiꞌi nda viko ndo.

2 Pedro 2:19

Ta káꞌan nda xiꞌin na tá ná kundikun na nda, ta taxi nda koo ndíka na, káchi nda xiꞌin na, ni mií nda ta köo íyo ndíka nda nuu ya väꞌa, xaꞌa ya íkan nda ya kúni mií nda. Ta ya ndaa ku ndixa va ya chi naꞌa, na táxi xáꞌnda chiñu ya väꞌa nuu na, ta núꞌni va na ndaꞌa ya väꞌa.

El Apocalipsis 16:6

Saa chi na väꞌa ikán, ta xa̱ta na nií na i̱í na kándixa yóꞌo̱, saa xa̱ꞌni ñaꞌa na. ta saa i̱kan tu na xiꞌin nda ndi̱kaꞌan ndoso tuꞌun yuꞌu va un, xa̱ꞌni na nda ikán. Ta vitin táxi un ya tíxuꞌvi ni na, chi kuꞌva saa xíniñuꞌu na koo na ―káchi tatun ikán xiꞌin Ndioxi.

El Apocalipsis 18:24

Ta yóꞌo̱ ñuu chee ni, ta ndíso un kuachi, chi xa̱ꞌni un nda káꞌan tuꞌun yuꞌu Ndioxi, xa̱ta un nií nda. Ta kuaꞌa ni na i̱í i̱kan un saa xiꞌin xaꞌa ya ndíkun na Ndioxi. Ta yóꞌo̱ ku un i̱kan saa xiꞌin ndiꞌi na ndi̱xiꞌi ñuu ivi káchi tatun ikán xiꞌin ñuu Babilonia.