San Lucas 12:40 - Xochapa Mixteco

⁴⁰ Saa tu ndóꞌo̱ va, kundoo tuꞌva ndo kundatun ndo yeꞌe kúu Taa ra xa̱a ñuu ivi yóꞌó, chi iin naá ini ndo ndiko koo i iin kivi ―káchi Jesús xiꞌin na.

San Lucas 12:40 Mawu Ofanana

San Mateo 24:42

’Saa ndóꞌo̱, koo tuꞌva ndo saa chi köo xíni ndo maa kua ndiko koo yeꞌe, ra kúu Tata ndo, ra chee nuu ndo.

San Mateo 24:44

Saa ndóꞌo̱, xíniñuꞌu ndo koo tuꞌva ndo, saa chi iin kuu soꞌva ndiko koo Yeꞌe, Taa ra xa̱a ñuu ivi yóꞌó ―káchi Jesús xiꞌin na.

San Mateo 25:13

Saa ndi̱kaꞌan ka ra xiꞌin nda, káchi ra: ―Saa ndóꞌo̱, kundoo tuꞌva ndo chi köo xíni ndo ndá kivi kua, ni ndá hora kua ndiko koo yeꞌe Taa ra xa̱a ñuu ivi yóꞌó ―káchi ra xiꞌin nda.

ROMANOS 13:11

Xíniñuꞌu ni ndo ikan ndo táꞌan ya káꞌan i xiꞌin ndo, saa chi xa síin tiempo kua ndóo yo vitin. Xa tiempo ndikáxin ini ndo ku ya, saa chi xa kama ni tindaa kivi ya ndiko koo Jesús ya sikaku ra yoo. Kama ni ka kua nuu kivi tá sikan xa̱á yo kándixa yo ra.

ROMANOS 13:14

Vaꞌa ni ka kua ná ndikundixi ni yo ndee Tata yo Jesucristo. Ta ná ndïkani kíꞌvi ini yo tá kuꞌva ndíkani ini na ñuu ivi yóꞌó, chi na ikán ta ndisaa xaꞌa chiñu kíꞌvi ya kútoo ni mií ikin kuñu na kua íkan na.

1 Tesalonicenses 5:6

Yakan kua ná köo yo tá kuꞌva íin naꞌa, na kíxi. Xíniñuꞌu yo kundito yo. Küsun yo tá íkan naꞌa, na köo íyo ndúví, ná kundito yo, ta ná koo kaxin teꞌe ini yo.

El Apocalipsis 19:7

¡Ná kusini ni yo, ta saa ná koo vaꞌa ni ini yo! ¡Ná chinuu sukun ni yo ya toꞌo Ndioxi! Saa chi xa ti̱ndaa kivi ya tíndaꞌa ra kúu Levo loꞌo. Xa íyo tuꞌva ñaꞌa yá tindaꞌa xiꞌin ra, saa xa íyo ndúvi yá koo yá xiꞌin ra.