San Lucas 12:35 - Xochapa Mixteco

³⁵ Saa ku̱u ta ndi̱kaꞌan ka Jesús, káchi ra saa: ―Kundixi ndo tikoto ndo, ta koo tuꞌva ndo tuun ndo ñu̱ꞌu̱.

San Lucas 12:35 Mawu Ofanana

San Mateo 25:1

Saa ndi̱kaꞌan Jesús, káchi ra saa: ―Ná ndituꞌun i xiꞌin ndo ndá kuꞌva koo tá ná kaꞌnda chiñu Ndioxi ñuu ivi yóꞌó. Saa ndo̱ꞌo uxi ná kuâán vali ná kuaꞌan nuu viko tíndaꞌa. Uxi saa ná níꞌi ñu̱ꞌu̱ túun ná kuaꞌan ná ndikiꞌin ná ra tíndaꞌa.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Lucas 12:36

Tá kuꞌva íyo nda moso, saa koo ndo kundoo ndo kundatun ndo yeꞌe. Chi iin moso ta íyo tuꞌva ra ndátun ra kana ñaꞌa xitoꞌo ra ya kuna ra yeꞌe nuu xitoꞌo ra ndiko koo ra kuaꞌan ra nuu viko tíndaꞌa.

Efesios 6:14

Yakan tuun ni kundikun ndo ichí Ndioxi, ikan ndo tá kuꞌva íkan nda lapa ndíkaa tuun ñií toko nda nuu ndíkaa i̱chi nda, ta kuꞌva saa xíniñuꞌu ndo koo ndúvi ndo xiꞌin ya ndaa. Saa tu tá kuꞌva ndáa nda lapa kándika nda xiꞌin kàà ya ndási kándika nda, ta kuꞌva saa xíniñuꞌu ndo koo ndo xiꞌin ya vaꞌa, ya ndaa, ya ná sïtikueꞌe kiti nǎꞌa ndóꞌo̱.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.

1 Pedro 1:13

Xaꞌa ya ikán kua koo ndúvi ndo vívií ndikani ini ndo, táku koo ini ndo, ndee ni ndaku koo ini ndo ya ndikiꞌin ndo ñaꞌa vaꞌa ya niꞌi ndo nuu Tata yo Jesucristo tá ná ndiko koo ra kixi ra.