San Lucas 12:31 - Xochapa Mixteco

³¹ Ta vaꞌa ndikundee ni ndo nduku ndo ichí nuu xáꞌnda chiñu Ndioxi, saa kua taxi ndiꞌi ra ñaꞌa ya kúmani nuu ndo ndaꞌa ndo ―káchi Jesús xiꞌin nda ítaꞌan xiꞌin ra.

San Lucas 12:31 Mawu Ofanana

San Mateo 6:33

Ndinuꞌu ni ini ndo kundikun ndo ichí nuu xáꞌnda chiñu Ndioxi, saa íkan ndo ya vaꞌa nuu ra. Ta ndiꞌi ka ñaꞌa ya xíniñuꞌu ndo ta mií ra taxi ndiꞌi ya ndaꞌa ndo.

San Lucas 10:42

Sundi íyo iindaa chiñu ya xíniñuꞌu ni un ikan un. Yá María kuꞌvi un, ta ndee ni ka vaꞌa ya ndi̱kaxin yá yóꞌó, ta nda iin naꞌa küchiñu kindaa ya ndaꞌa yá ―káchi Jesús xiꞌin yá Marta.

San Lucas 12:30

Saa chi ya yóꞌó ku ñaꞌa ya ndíꞌi ni ini na köo xíni Ndioxi xaꞌa. Sundi ndóꞌo̱, na kúu seꞌe Ndioxi, ta xa xíni mií va Iva ndo ndá ñaꞌa kua xíniñuꞌu ndo.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

ROMANOS 8:31

Xaꞌa ya vaꞌa ni íkan Ndioxi xiꞌin yo, íyo ra xiꞌin yo ta nda iin naꞌa küchiñu xaa nduvaꞌa xiꞌin yo.

1 Timoteo 4:8

Ta ya vaꞌa ni kua ikan loꞌo yo ejercicio nuu ndúndee ikin kuñu yo, sundi ya ndee ni ka xíniñuꞌu yo ikan yo kua koo vií ni yo nuu Ndioxi, chi tá íkan yo saa kua niꞌi ni yo ya vaꞌa nuu ra tiempo táku yo vitin xiꞌin tiempo ya vaxi.

HEBREOS 13:5

Kütoo ni ndo koo kuaꞌa ni xuꞌun ndo, án koo kuaꞌa ni ñaꞌa ndo. Vaꞌa kusini ni ndo xiꞌin ndisaa ñaꞌa ya xa kúu mií ndo, saa chi Ndioxi, káchi ra saa: “Nda iin ichí sïndoo ndaꞌa i ndóꞌo̱, ta ni sïndoo mií i ndóꞌo̱”, káchi ra.