San Lucas 12:21 - Xochapa Mixteco

²¹ Ñaa ndi̱kaꞌan ka ra xiꞌin na káchi ra saa: ―Tá ndo̱ꞌo ra kuika ikán, saa kundoꞌo ndiꞌi na chívaꞌa ni ya kuika kúu mií na, chi nuu Ndioxi ta ndaꞌvi ni va na ―káchi Jesús.

San Lucas 12:21 Mawu Ofanana

San Lucas 12:33

Xiko ndo ñaꞌa kúu mií ndo, saa taxi ndo xuꞌun ndaꞌa na ndaꞌvi. Kundiꞌi ini ndo chivaꞌa ndo ñaꞌa ndo ini ñaꞌa ya köo ndíꞌi xaꞌa íyo nuu ndivi ni na kuiꞌna küchiñu sikuiꞌna ya, ni tikixin küchiñu ri sindiꞌi xaꞌa ri ya.

San Lucas 16:11

Yakan kua tá tu köo ndáa ndo ya kuika íyo ñuu ivi yóꞌó, ta ni Ndioxi täxi ra ya vaꞌa ya kuika íyo nuu ndivi ndaꞌa ndo, saa chi köo xíni ndo kundaa ndo ya.

San Lucas 6:24

’Sundi ndaꞌvi ni ndóꞌo̱ kuika, saa chi xa íyo ni ñaꞌa ndo ya kúsini ni ndo xiꞌin.

ROMANOS 2:5

Sava ndo ta soꞌo ni ndo, köo xíin ndo ndiko koo ini ndo xaꞌa ya väꞌa íkan ndo. Xaꞌa ya íkan ndo saa, ta kuandaa ka kuachi ndo ndúkuaꞌa ya nuu Ndioxi. Ta vaxi kivi saa xaa nduvaꞌa ni Ndioxi xiꞌin ndiꞌi ni kúu naꞌa, saa kundaa ini na ya ndixa ni sáa ini ra xíni ra na. Chi saa kua sinaꞌa Ndioxi na ya ndee ni ndaa xáa súvi ra kuachi na xiꞌin na.

2 Corintios 6:10

Tá íin nde kúsuchi ni ini saa íin nde túvi na, ta süvi ya ndaa kua chi ndiꞌi saa va ichí kúsini ni nde. Tá íin ndeꞌe ndáꞌvi ni saa íin nde túvi na, ta süvi ya ndaa kua, chi ndiꞌi saa va ichí táxi nde ya kuika, ya vaꞌa vaxi nuu ndivi ndaꞌa kuaꞌa ni naꞌa. Tá íin ndeꞌe köo nda loꞌo ñaꞌa nuu, saa íin nde túvi na, ta süvi saa íyo ya chi íyo ndiꞌi va ñaꞌa táxi Ndioxi ndaꞌa nde.

1 Timoteo 6:9

Chi naꞌa, na kúni ndukuika ni ñuu ivi yóꞌó, ta ìyo ni sindaꞌvi ya väꞌa na, saa koyo na nuu kuachi, chi kuaꞌa ni ya väꞌa ndíkani ini na xaꞌa ta ni süvi ya ndáa yáꞌvi kua, takua sítivi na mií na xiꞌin ya, ta xáa na kuaꞌan na ichí nuu ndiꞌi xaꞌa na.

Santiago 2:5

Ñani mani xiꞌin kuꞌva yo, ndóꞌo̱ ku ndo kúꞌvi ni ini i xíni i, ta kuni soꞌo ndo ya kaꞌan i xiꞌin ndo: Ndioxi ku ra ndi̱kaxin na ndaꞌvi ndóo ñuu ivi ya ná nduu na naꞌa, na ndinuꞌu ni ini ndáa ini xíni ra xiꞌin ndiꞌi nima na, ta saa ndikiꞌin na ya ndi̱kaꞌan ra taxi ndaꞌa na kúꞌvi ini xíni ra, saa koo na kaꞌnda chiñu na xiꞌin ra.

El Apocalipsis 2:9

Xíni ndiꞌi i ya ndee ni ndóꞌo ini ndo, ta saa xíni i ya kúndaꞌvi ni ndo. Vani saa va, sundi ndóꞌo̱ ta tá íin ndo kuika ni va saa íin ndo. Saa ni xíni i ya káꞌan kini ni naꞌa xaꞌa ndo. Na ikán káꞌan na kúu na judío, ta süvi ya ndaa ku ya káꞌan na, chi na ikán ta na xáa kaꞌnu kiti nǎꞌa, kiti náni Satanás va ku na.