San Lucas 12:2 - Xochapa Mixteco

² Ta ndiꞌi ñaꞌa ya íyo sêꞌe ta küvi koo sêꞌe ya ndiꞌi saa kivi, sundi vaxi kivi ta ndituvi ndiꞌi xaꞌa ya. Nda iin ya köo sêꞌe nuu naꞌa, ndituvi ndiꞌi ya nuu na kuni na.

San Lucas 12:2 Mawu Ofanana

San Marcos 4:22

Saa yoo, kúndaa ini yo, ndiꞌi ñaꞌa ya íyo sěꞌe vitin, ta ndituvi ndiꞌi ya, nda iin ya kïndoo sěꞌe, chi iin ndituvi ndiꞌi ya vaxi kivi.

San Lucas 8:17

Saa kúndaa ini yo, ndiꞌi ñaꞌa ya íyo sêꞌe vitin ta nduxa ndituvi ndiꞌi ya kuni inka naꞌa. Saa chi tindaa iin kivi ta ndiꞌi na kundaa ini na xaꞌa ya íyo sêꞌe.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.