San Lucas 12:19 - Xochapa Mixteco

¹⁹ Tá ndiꞌi kaꞌan yo xiꞌin mií yo: Kuaꞌa ni ñaꞌa yo íyo, nani ya yóꞌó kuxi yo, naꞌa ni va kuxi yo ya. Ta xäa chiñu ka yo, ná ndikundee yo, ná kuxi yo tin ná koꞌo yo, ta ná kusini va yo, chi xa kuaꞌa ni ñaꞌa yo íyo, kachi yo xiꞌin mií yo”, káꞌán ra kuika ikán.

San Lucas 12:19 Mawu Ofanana

San Lucas 12:18

Saa ndi̱kani ini ra: “Xíni va yo unkua ikan yo, kani ndiꞌi yo yaka vali ta sikuaꞌa yo yaka naꞌnu vaꞌa. Ikan chivaꞌa yo nuni yo, saa chivaꞌa ndiꞌi yo ñaꞌa ya kúu mií yo.

San Lucas 16:19

Saa ku̱u xa̱á Jesús ndítuꞌun ra inka tuꞌun ndíchi xiꞌin na káchi ra saa: ―Ndi̱xiyo iin ra kuika, ra ndíxi vaꞌa ni, ndíxi ra tikoto ya lino savi ni, color ndíꞌi kua, ta ndiꞌi saa kivi íyo viko veꞌe ra, xíxi vaꞌa ra.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

1 Corintios 15:32

Ná ndituꞌun i xiꞌin ndo chi yeꞌe ta ndee ni ti̱xuꞌvi i ñuu Éfeso yóꞌó, ka̱nitaꞌan ni naꞌa xiꞌin i. Tá íyo kiti kueꞌe íyo iku saa íin naꞌa, na ka̱nitaꞌan xiꞌin i. Ta ni köo ndáa yaꞌvi vi ya kanitaꞌan i xiꞌin na tá tu ya ndixa kua köo ndítaku na ndíi. Ta án vaꞌa ka ikan yo tá káchi sava naꞌa káꞌan na: “Vaꞌa ná koꞌo yo ta ná kuxi va yo, saa chi taan isa ta kuvi va yo”, káchi na. Ta süvi saa íyo ya, chi ya ndixa va kua ndítaku na ndíi.

Filipenses 3:19

Chi kuaꞌan na ichí nuu síndiꞌi xaꞌa na mií va na. Ndisaa ya kútoo ni mií ikin kuñu na kua ndúku na xaa súvi na, ta ya ikán kua ndu̱u ndioxi nuu na. Ya kukaꞌan nuu na xiꞌin vi kua íkan na, ta köo íkan na saa, ya kútai ini na xiꞌin ka va kua. Ndisaa ñaꞌa íyo ñuu ivi yóꞌó ndíkani ini na xaꞌa.

1 Timoteo 5:6

Ta ná kuâán ná ndi̱xiꞌi ndaa, ná xíka sií, ta xáa sií ná ini mií va ná, ni táku ná, ta tá íin ná xa ndi̱xiꞌi va, saa íin ná.

1 Timoteo 6:17

Ta vaꞌa kaꞌan un xiꞌin nda ñani yo, nda kuika ni ñuu ivi yóꞌó, ya ná küu taa ni ini nda xiꞌin ya kuika kúu mií nda, ni ná chïkaa ni ini nda xiꞌin ya chi ya ndíꞌi xaꞌa va kua. Vaꞌa ka ná kandixa ni nda Ndioxi, saa chi mií ra ku ra táxi ndiꞌi ñaꞌa ya xíniñuꞌu ni yo ndaꞌa yo.

2 Timoteo 3:4

Saa ndixiko vata na naꞌa, na ítaꞌan vaꞌa xiꞌin na, ni köo ìyo koo ini na, kutai ni ini na xaꞌa ya xíni ni na, saa kutoo ni na xaa sií na ini mií na, ta küaꞌa na kañuꞌu na Ndioxi.

Santiago 5:5

Ta ndee ni vaꞌa ndóo ndo nuu na ñuu ivi yóꞌó. Íyo ndiꞌi saví ya kúni ndo nuu ndo. Nda ndu̱nduꞌu ni va ndo, tá kuꞌva ndúnduꞌu kiti ri kuaꞌan kuvi, saa íin ndo.

1 Pedro 4:3

Ta ndóꞌo̱ xa kuaꞌa ni tiempo ndi̱xika ndo tá kuꞌva xíka naꞌa, na köo kándixa Ndioxi ndóo ñuu ivi yóꞌó, ndi̱xika sií ndo xiꞌin ná síꞌi ta süvi ná síꞌi ndo ku ná, saa ná síꞌi ndi̱xika sií ná xiꞌin taa, ta süvi ií ná ku nda. Ndiꞌi nuu ya väꞌa kúni mií ndo i̱kan ndo. Ndee ni xi̱ꞌi ndo, ndakua ndi̱xini mií ndo ndi̱xika ndo, ta i̱kan ndo ya kaꞌa̱n ni nuu, ndi̱xika ndo nuu viko xa̱a kaꞌnu ndo ndioxi ya ndíi, ya köo kúu Ndioxi ndinuꞌu.

El Apocalipsis 18:7

Ta na väꞌa ikan ta ndi̱xiyo tái ni ini na, saa kuika ni ndi̱xiyo na, ta ku̱u mií na ndiꞌi ñaꞌa ya káchi ini mií na. Ta vaꞌa ná taxi Ndioxi ndoꞌo ni na vitin. Saa chi na väꞌa ikán, ta kútai ni ini na, chínuu vaꞌa ni na tuꞌun na, yakan ndíkani ini na káchi na saa: “Naꞌnu ni mií nde chi ndeꞌe ku nde xáꞌnda chiñu nuu ndiꞌi naꞌa. Ta köo íyo nde tá káa iin ñaꞌa yá ndaꞌvi, yá ndi̱xiꞌi ndaa, chi nda iin kivi ndöꞌo nde, ni nda loꞌo küsuchi ini nde”, káchi na ndíkani ini na.