San Lucas 12:15 - Xochapa Mixteco

¹⁵ Ta saa ndi̱kaꞌan ra xiꞌin na ndóo ikán, káchi ra saa: ―Kuenta ni koo ndo, kütoo ndo koo kuaꞌa ni ñaꞌa ndo, saa chi süvi xaꞌa ya íyo kuaꞌa ni ñaꞌa nuu naꞌa kua kuchiñu na kutaku na ―káchi ra xiꞌin na.

San Lucas 12:15 Mawu Ofanana

San Marcos 7:22

xiꞌin ya síkuiꞌna, tin ya kútoo ni na koo kuaꞌa ñaꞌa na, xiꞌin ndiꞌi ka ya kini íkan na ivi yóꞌó, saa tu ya síndaꞌvi na naꞌa, xiꞌin ya kútoo ni na ikan na ñaꞌa ya kúni mií na xiꞌin ikin kuñu na, xiꞌin ya kúu uni ini na, tin ya távi chiꞌña na inka naꞌa, tin ya kútai ni ini na, xiꞌin ya ndíkani ini na xaꞌa ya köo ndáa yaꞌvi inka naꞌa.

San Lucas 12:16

Ta saa xa̱á ra káꞌan ra iin tuꞌun ndíchi ya sínaꞌa ñaꞌa ra, káchi ra saa: ―Saa ndo̱ꞌo iin ra kuika, vaꞌa ka vi kée ra xiꞌin ñaꞌa ra ya chíꞌi ra.

San Lucas 16:14

Saa tá xi̱ni soꞌo nda fariseo ya ndi̱kaꞌan ra, ta ndi̱xaku ndaa ñaꞌa nda. Chi kútoo ni nda ya kuika.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

San Lucas 8:14

Ta siꞌva ri ndi̱koyo nuu iñú ku na xíni soꞌo tuꞌun Ndioxi, ta saa loloꞌo vaxi ya síndiꞌi ini na, án ndíꞌi ini na xíka ini na xaꞌa ya kuika, án táa ini na íkan na ya kúsini na, ta köo íkan ka na ya vaꞌa tá íin itun táxi kuiꞌi vaꞌa.

1 Corintios 6:10

ni na kuiꞌna, ni na kútoo ni ya kuika, ni na xíꞌi ni, ni na síndaꞌvi naꞌa, ni na kánaꞌa xiꞌin inka naꞌa, nda iin na yóꞌó küchiñu koo nuu xáꞌnda chiñu Ndioxi.

Colosenses 3:5

Ta vitin köo ka ndo tá kuꞌva ndi̱xiyo ndo yachi. Vaꞌa sindiꞌi xaꞌa ndo ya chíndaꞌa ndóꞌo̱ ikan ndo ya väꞌa, tá kúu nda taa ta küvi kiꞌvi nda xiꞌin inka ñaꞌa tá tu süvi yá síꞌi nda ku yá, ni ná síꞌi ta ná kïꞌvi ná xiꞌin inka taa tá tu süvi i̱í ná ku nda, ta saa küni ndo ikan ndo ndá ka ñaꞌa ya väꞌa, kütoo ni ndo ndikani ini ndo xaꞌa ya väꞌa, ta ni kütoo ni ndo koo kuaꞌa ni ñaꞌa ndo, chi tá íkan ndo saa, ta tá íin naꞌa, na xáa kaꞌnu ndioxi ndíi, saa íin ndo.

2 Timoteo 3:2

Chi kivi ikán ta sava naꞌa kundiꞌi ni ini na ndisaa xaꞌa mií na, saa kuni tu na ya koo kuaꞌa ni xuꞌun na, saa kutoo ni na ndikunuu vaꞌa ni tuꞌun xaꞌa na, ta ndee ni kutai ini na xiꞌin ñaꞌa na. Saa kaꞌan kini na xaꞌa Ndioxi tin xaꞌa naꞌa, ta küaꞌa na kañuꞌu na iva siꞌí na, ta ni küaꞌa na taxi na tixaꞌvi ndaꞌa naꞌa, ni xäa toꞌo na Ndioxi.

HEBREOS 13:5

Kütoo ni ndo koo kuaꞌa ni xuꞌun ndo, án koo kuaꞌa ni ñaꞌa ndo. Vaꞌa kusini ni ndo xiꞌin ndisaa ñaꞌa ya xa kúu mií ndo, saa chi Ndioxi, káchi ra saa: “Nda iin ichí sïndoo ndaꞌa i ndóꞌo̱, ta ni sïndoo mií i ndóꞌo̱”, káchi ra.

2 Pedro 2:14

Ni küvi kuni nda iin ná síꞌi, chi tá xíto nda nuu ná ta tá káa nda xa kuakiꞌvi xiꞌin va ná saa káa nda, túvi nda. Nina ya kútoo ni ikin kuñu nda kua íkan nda, nduvi niuun ndíkani ini nda xaꞌa ya väꞌa, ni köo xáa ini nda xiꞌin ñaꞌa kúu mií nda. Xaꞌa ya íkan nda saa ta nda xa ndi̱tavi chiꞌña ndu̱u nda.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.