San Lucas 11:48 - Xochapa Mixteco

⁴⁸ Xiꞌin ya íkan ndo ñaa sínaꞌa ndo mií ndo iin yuꞌu ku ndo xiꞌin xii sikua ndo, chi na ikán ku na xa̱ꞌni nda ndi̱kaꞌan ndoso tuꞌun yuꞌu Ndioxi xinaꞌa, ta vitin ndása vaꞌa ndo nuu ndi̱nduxin nda.

San Lucas 11:48 Mawu Ofanana

San Mateo 23:27

’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi tá íin sata ñáñá nuu ndúxin ndìì, saa íin ndo. Sata ya ikán vaꞌa ni náꞌa, luvi ni ndi̱kaꞌi yaa ya, ta ini ya maa kini ni káa, iin chútu ndaa leke ndìì táꞌi ya.

San Mateo 23:31

Ta xaꞌa ya káꞌan ndo saa, ta ndíkuni ndo ya kúu ndo seꞌe ñani sikua na xa̱ꞌni nda profeta ikán.

San Lucas 11:47

Ta saa ndi̱kaꞌan ka ra xiꞌin nda, káchi ra saa: ―¡Ndaꞌvi ni ndóꞌo̱ sínaꞌa ley Ndioxi, chi iin kivi ndoꞌo ni ndo! Chi ndása luvi ni ndo nuu ndi̱nduxin nda ndi̱kaꞌan ndoso tuꞌun yuꞌu Ndioxi xinaꞌa, nda xa̱ꞌni xii sikua ndo.

San Lucas 11:49

Yakan kua ndi̱kaꞌan Ndioxi tuꞌun ndíchi xaꞌa ndo, káchi ra saa: “Tiꞌvi i nda káꞌan ndoso tuꞌun yuꞌu i kuꞌun nda kaꞌan ndoso nda tuꞌun i xiꞌin na Israel. Tiꞌvi i nda ndi̱kaxin i xíka chiñu nuu i kuꞌun nda ndituꞌun nda xiꞌin na, ta sava nda kaꞌni ñaꞌa na, inka nda xaa nduvaꞌa ni na xiꞌin nda”, káchi Ndioxi xaꞌa ndo.

ROMANOS 1:32

Na íkan saa, ta xa xíni vaꞌa na ya íyo ley Ndioxi ya káꞌan xaꞌa na ya xíniñuꞌu na kuvi na. Ta saa ni xïin na sindoo na ya väꞌa íkan na, saa kúsini na xíni na naꞌa, na íkan taꞌan ya väꞌa íkan mií na.

Santiago 5:10

Ñani yo xiꞌin kuꞌva yo, sikuaꞌa ndo tá kuꞌva i̱kan nda ndi̱kaꞌan ndoso tuꞌun yuꞌu Iva yo Ndioxi xinaꞌa, ndee ni ti̱xuꞌvi nda ta ndi̱xaꞌa ndee ndiꞌi ini nda xiꞌin ya ndo̱ꞌo nda saa xaꞌa Iva yo Ndioxi.