San Lucas 11:47 - Xochapa Mixteco

⁴⁷ Ta saa ndi̱kaꞌan ka ra xiꞌin nda, káchi ra saa: ―¡Ndaꞌvi ni ndóꞌo̱ sínaꞌa ley Ndioxi, chi iin kivi ndoꞌo ni ndo! Chi ndása luvi ni ndo nuu ndi̱nduxin nda ndi̱kaꞌan ndoso tuꞌun yuꞌu Ndioxi xinaꞌa, nda xa̱ꞌni xii sikua ndo.

San Lucas 11:47 Mawu Ofanana

San Mateo 23:27

’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi tá íin sata ñáñá nuu ndúxin ndìì, saa íin ndo. Sata ya ikán vaꞌa ni náꞌa, luvi ni ndi̱kaꞌi yaa ya, ta ini ya maa kini ni káa, iin chútu ndaa leke ndìì táꞌi ya.

San Lucas 11:48

Xiꞌin ya íkan ndo ñaa sínaꞌa ndo mií ndo iin yuꞌu ku ndo xiꞌin xii sikua ndo, chi na ikán ku na xa̱ꞌni nda ndi̱kaꞌan ndoso tuꞌun yuꞌu Ndioxi xinaꞌa, ta vitin ndása vaꞌa ndo nuu ndi̱nduxin nda.

Los Hechos 7:51

’¿Ta ndachu soꞌo ni ndóꞌo̱, na chiñu? Ta tuun ni nima ndo, tá íin ndóꞌo̱ köo xíni Ndioxi saa íin ndo. Tá ndi̱xiyo xii sikua yo, saa íin ndo, chi köo xíin ndo kuni soꞌo ndo ya káꞌan Tachi I̱í Ndioxi xiꞌin ndo.

1 Tesalonicenses 2:15

Suvi na ikán ku na xa̱ꞌni Tata yo Jesús, ta saa i̱kan tu na xiꞌin nda ndi̱kaꞌan ndoso tuꞌun yuꞌu Ndioxi xinaꞌa va, ta saa tu ndeꞌe va, ta̱va ndaꞌa na ndeꞌe ka̱na koo nde ñuu nde. Xaꞌa ya íkan na saa, ta köo íkan na ya kúni Ndioxi, ta kuakiꞌvi na kuachi xiꞌin ndiꞌi naꞌa.