San Lucas 11:26 - Xochapa Mixteco

²⁶ Ñaa kuaꞌan ya ndúku ya uxa ka nuu tachi nduvaꞌa ya kini vaꞌa ka. Saa kuakiꞌvi ndiꞌi ya íyo ya xiꞌin na. Ta saa kua ndixa ni ka tíxuꞌvi na íkan ya, saa chi ya núnu̱ú ta iindaa va ku ya ndi̱xiyo xiꞌin na ta sindiꞌi kuaꞌa ni kua yakan tíxuꞌvi ni na íkan ya ―káchi Jesús.

San Lucas 11:26 Mawu Ofanana

San Mateo 12:45

Saa kuaꞌan tachi nduvaꞌa ikán ndúku ka ya tachi nduvaꞌa, ñaa ndítaꞌan ya uxa nuu tachi nduvaꞌa, ya kini ni ka nuu mií ya, ñaa ndíko koo tuku ya xiꞌin uxa mií tachi nduvaꞌa ikán, saa kuandee ndiꞌi ya ini na íyo ya xiꞌin na. Ta na ikán ndee ni ka ndóꞌo na, chi tá núnu̱ú ta iindaa va tachi nduvaꞌa ku̱u mií na. Saa kundoꞌo ndóꞌo̱ ñuu ivi yóꞌó, tá tu köo xíin ndo kuni soꞌo ndo tuꞌun i ―káchi Jesús xiꞌin na.

San Mateo 23:15

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! Ndóꞌo̱ uvi yuꞌu ku ndo! Saa chi kuaꞌan ndo ndiꞌi ni kúu ñaꞌñu nda yuꞌu nduta ñûꞌu kuaꞌan ndo, ndúku ndo naꞌa kundikun na ichí ndo. Ta na ndíkun ichí ndo ta na síndiꞌi ka ndo xaꞌa ku na, chi ndee ni ka ndúu na, na nduvaꞌa ni ka ini nuu ndo ta ndixa kuꞌun na xiꞌin ndo ndaya.

San Lucas 11:25

Ñaa ndíko koo tuku ya xáa ya nuu ke̱e ya. Ta saa xíto ya íyo ndii ini na, tá káa ini veꞌe nuu tíꞌvi saa káa ini na.

San Lucas 11:27

Saa ku̱u tá si̱ndiꞌi Jesús ndi̱kaꞌan ra ta iin ñaꞌa yá xi̱ni soꞌo tuꞌun ndi̱kaꞌan ra, ke̱ta yá tañu ndiꞌi na ndóo ikán, xa̱á yá káꞌan yá xiꞌin ra káchi yá saa: ―¡Vaꞌa ni kée nana un yá si̱kaku yóꞌo̱, saa si̱kuaꞌnu yá yóꞌo̱! ―káchi yá ikán xiꞌin ra.

San Juan 5:14

Sindiꞌi ta ndi̱taꞌan Jesús ra ini veꞌe ñuꞌu, saa ndi̱kaꞌan ra xiꞌin ra: ―Koto un, vitin xa ndu̱vaꞌa un, ta ïkan ka un ndá ya ka ya väꞌa, saa chi koto ka ndoꞌo un ndá ka iin ya ndee vaꞌa ka ―káchi Jesús xiꞌin ra.

1 Juan 5:16

Tá ndá ndóꞌo̱ xíto ndo íkan na taꞌan yo na ndíkun Jesús ya väꞌa, ta saa ná kaꞌan ndo xaꞌa na xiꞌin Ndioxi, ta xaa kaꞌnu ini ra xaꞌa na. Tá tu süvi kuachi ya káꞌan kuvi na nuu Ndioxi kua, ta taxi ra kutaku na. Saa chi íyo kuachi ya väꞌa ya káꞌan ndiꞌi xaꞌa na nuu ra. Tá tu taꞌan kuachi ñaa kua i̱kan na ta käꞌan ndo xaꞌa na. Sundi tá tu inka kuachi kua, ta kaꞌan ndo xaꞌa na xiꞌin Ndioxi ta kutaku na xiꞌin ra.