San Lucas 11:24 - Xochapa Mixteco

²⁴ Saa ndi̱kaꞌan ka Jesús, káchi ra saa: ―Ná ndituꞌun i xiꞌin ndo unkua ndóꞌo naꞌa na kúu mií tachi nduvaꞌa, ta unkua íkan ya xiꞌin na kivi síndoo ñaꞌa ya. Tá kivi kéta ya köo ka ya íyo xiꞌin na, ta saa xáa ya xíka nuu mií ya nuu köo nda iin naꞌa. Xíka ya ndúku ya nuu ndikundee ya. Ta köo ndítaꞌan ya nuu ndikundee ya, saa káꞌan ya: “Vaꞌa ka ná ndiko koo yo kuꞌun yo ini naꞌa nuu ke̱e yo”, káchi ya.

San Lucas 11:24 Mawu Ofanana

San Marcos 5:10

Saa xáku ndaꞌvi ya nuu Jesús, káꞌan ya xiꞌin ra ya ná täva ñaꞌa ra kuꞌun xika ya inka ñaꞌñu.

San Marcos 9:25

Ñaa xi̱ni Jesús xa̱á ndíkutu kuaꞌa ka naꞌa, saa ndi̱ndaꞌi ra nuu tachi nduvaꞌa ikán, káchi ra saa: ―Yóꞌo̱ tachi nduvaꞌa xa̱a soꞌo ra yóꞌó tin xa̱a meꞌme un ra, yeꞌe xáꞌnda chiñu nuu un, keta kuaꞌan un, ta saña un ra loꞌo yóꞌó, ndïko koo ka un tiin ñaꞌa un ―káchi ra xiꞌin ya.

San Lucas 11:25

Ñaa ndíko koo tuku ya xáa ya nuu ke̱e ya. Ta saa xíto ya íyo ndii ini na, tá káa ini veꞌe nuu tíꞌvi saa káa ini na.

Efesios 2:2

Saa ndi̱xiyo ndo yachi, i̱kan ni ndo ya väꞌa xaꞌa ya xi̱ndikun ndo ichí taꞌan ya ndíkun na ñuu ivi yóꞌó, ta xa̱a súvi ndo ya ndi̱kaꞌan kiti nǎꞌa, kiti xáꞌnda chiñu nuu ndiꞌi tachi nduvaꞌa xiꞌin ndo, ta nda vitin ta xáꞌnda chiñu yaa va ri nuu naꞌa, na köo xíin kuni soꞌo ya káꞌan Ndioxi.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.