San Lucas 11:20 - Xochapa Mixteco

²⁰ Ta yeꞌe, xaꞌa ya kúu mií i ndee Ndioxi, yakan vaꞌa táva i tachi nduvaꞌa, ya yóꞌó kua sínaꞌa teꞌe nuu ndo ya xa ti̱ndaa ya xáꞌnda chiñu Ndioxi nuu ndo ―káchi Jesús xiꞌin na.

San Lucas 11:20 Mawu Ofanana

San Mateo 12:28

Ta yeꞌe kúu mií i ndee Tachi Ndioxi ya táva i tachi nduvaꞌa, ya yóꞌó kúni kachi ya: Xa ti̱ndaa kivi ya xa̱á Ndioxi xáꞌnda chiñu ra nuu na ñuu ivi yóꞌó.

San Mateo 3:2

Káchi ra saa: ―Ndiko koo ini ndo, ïkan ka ndo ya väꞌa, chi xa ti̱ndaa yati ichí ya kaꞌnda chiñu Ndioxi nuu yo ―káchi ra Juan xiꞌin na.

San Mateo 4:24

Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Lucas 10:11

“Nda yaa ñuu ndo ya chi̱chi sata nduxan nde kísiniꞌni nde ya kóyo ya, ya ná kundaa ini ndo ndíso ndo kuachi chi ku̱ndasi ndo tuꞌun Ndioxi. Sundi kuni soꞌo vaꞌa ndo, kivi vitin kua ku̱yati nuu xáꞌnda chiñu Ndioxi nuu ndo”, kachi ndo xiꞌin na ―káchi ra xiꞌin nda.

San Lucas 10:9

Tá íyo na kúꞌvi ñuu nuu ndi̱xaa ndo, ta sindaꞌa ndo na, saa kaꞌan ndo xiꞌin na: “Xa ku̱yati ichí nuu xáꞌnda chiñu Ndioxi nuu ndo”, kachi ndo xiꞌin ndiꞌi na.

San Lucas 11:21

Saa ndi̱kaꞌan ka ra xiꞌin na, káchi ra saa: ―Kiti nǎꞌa, kiti kánuu nuu ndiꞌi tachi nduvaꞌa tá káa iin taa ra ndee ni, saa káa ri. Chi iin taa ra ndee ni ta ndáa ni ra veꞌe ra ya ná kïꞌvi na veꞌe ra.

Los Hechos 20:25

’Ta vitin káꞌan i xiꞌin ndo chi xiꞌin ndóꞌo̱ kua ndi̱xiyo i saa ndi̱xika i ndi̱kaꞌan ndoso i xiꞌin ndo xaꞌa kuꞌva xáꞌnda chiñu Ndioxi, chi vitin ta küni ka ndo nuu i.

2 Tesalonicenses 1:5

Ta xaꞌa tindoꞌo ya ndóꞌo ndo kua sínaꞌa yoo ya ndee ni ndaa ini Ndioxi, chi ndása vaꞌa ra ndóꞌo̱ ya kuchiñu ndo koo ndo xiꞌin ra nuu xáꞌnda chiñu ra, ta xaꞌa ya ñaa kua ndóꞌo ni ndo vitin.