San Lucas 11:19 - Xochapa Mixteco

¹⁹ ¿Án kúu mií i ndee kiti nǎꞌa táva i tachi nduvaꞌa, túvi ndo? ¿Ta unku na táxi ndee ndaꞌa na ndíkun sata mií ndo ya táva na tachi nduvaꞌa? Vaxi iin kivi ta na ndíkun sata mií ndo ku na taxi kuachi xaꞌa ndo.

San Lucas 11:19 Mawu Ofanana

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 4:24

Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Lucas 19:22

Saa ndi̱kuiin mií ra rey ikán ndi̱kaꞌan ra: “Süvi moso vaꞌa ku yóꞌo̱. Suvi xiꞌin tuꞌun ya ndi̱kaꞌan un ñaa sikuiso kuachi i yóꞌo̱. Tá tu xíni un ndee ni ini i, ndíkuiso i ñaꞌa nuu köo ndi̱chiꞌi i káchi un,

San Lucas 9:49

Saa ndi̱kaꞌan ra Juan xiꞌin Jesús, káchi ra saa: ―Tata Maestro, xi̱ni nde iin ra táva ra tachi nduvaꞌa, ta kivi un ku ya xíniñuꞌu ra káꞌan ra xiꞌin tachi nduvaꞌa ikán. Ta ndeꞌe ndi̱kaꞌan nde xiꞌin ra ya ná ïkan ka ra saa, chi süvi xiꞌin nde ítaꞌan ra ―káchi ra xiꞌin Jesús.

Los Hechos 19:13

Saa íyo sava nda judío, xíka nda táva nda tachi nduvaꞌa naꞌa. Ñaa xi̱ni soꞌo nda xaꞌa ya íkan ra Pablo, saa xa̱á kúni nda ikan nda tá íkan ra. Kúni nda tava nda tachi nduvaꞌa xiꞌin kivi Jesús, káchi nda saa: ―Xiꞌin ndee Jesús, ra káꞌan ndoso ra Pablo xaꞌa xáꞌnda chiñu nde nuu ndo, saña ndo na yóꞌó ―káchi nda ikán xiꞌin tachi nduvaꞌa.

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.