San Lucas 10:42 - Xochapa Mixteco

⁴² Sundi íyo iindaa chiñu ya xíniñuꞌu ni un ikan un. Yá María kuꞌvi un, ta ndee ni ka vaꞌa ya ndi̱kaxin yá yóꞌó, ta nda iin naꞌa küchiñu kindaa ya ndaꞌa yá ―káchi Jesús xiꞌin yá Marta.

San Lucas 10:42 Mawu Ofanana

San Marcos 8:36

Ni köo ndáa yaꞌvi vi ya tá tu ndee ni kúu mií na ndiꞌi ni kúu ñaꞌa ya íyo ñuu ivi yóꞌó, chi síndiꞌi xaꞌa va na ya vaꞌa na.

San Lucas 10:39

Ta íyo iin kuꞌvi yá náni María. Tá ndi̱xaa Jesús veꞌe ná ta ndi̱kunduꞌu koo yá María xaꞌa ra xíni soꞌo yá káꞌan ra.

San Lucas 11:1

Iin kivi ke̱e Jesús kuaꞌan ra kaꞌan ra xiꞌin Ndioxi. Tá si̱ndiꞌi ra ndi̱kaꞌan ra xiꞌin ra, ta ku̱yati iin ra ítaꞌan xiꞌin ra, káchi ra saa: ―Tata, sinaꞌa loꞌo un ndeꞌe ná kaꞌan nde xiꞌin Ndioxi, tá i̱kan ra Juan ra síkuchi naꞌa, si̱naꞌa ra nda ítaꞌan xiꞌin ra ndá kuꞌva kaꞌan nda xiꞌin Ndioxi ―káchi ra xiꞌin Jesús.

San Lucas 12:20

Ta saa ndi̱kaꞌan Ndioxi xiꞌin ra, káchi ra saa: “Yóꞌo̱ kíꞌvi ku yóꞌo̱, ñûu vitin kuvi un, ta ndiꞌi ñaꞌa ya kúu mií un ya vaꞌa inka va na koo ya”, káchi Ndioxi xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 12:33

Xiko ndo ñaꞌa kúu mií ndo, saa taxi ndo xuꞌun ndaꞌa na ndaꞌvi. Kundiꞌi ini ndo chivaꞌa ndo ñaꞌa ndo ini ñaꞌa ya köo ndíꞌi xaꞌa íyo nuu ndivi ni na kuiꞌna küchiñu sikuiꞌna ya, ni tikixin küchiñu ri sindiꞌi xaꞌa ri ya.

San Lucas 16:2

Ñaa ka̱na ñaꞌa ra káꞌan ra xiꞌin ra, káchi ra saa: “¿Án ya ndaa kua sísiki ni un xuꞌun i che? Ta vitin kúni i taxi un kuenta ndaꞌa i xaꞌa ndiꞌi chiñu íkan un, saa chi küvi ka xaa chiñu un xiꞌin i”, káchi xitoꞌo ra xiꞌin ra.

San Lucas 16:25

Saa ndi̱kuiin ra Abraham káꞌan ra: “Seꞌe, kuñuꞌu ini un, kivi xi̱taku un ñuu ivi ta vaꞌa ni ndi̱xiyo un. Ndi̱xiyo ndiꞌi ya kúni un, ta ra Lázaro yóꞌó ndo̱ꞌo ni ra ndaꞌvi. Yakan kua íyo vaꞌa ra vitin, ta yóꞌo̱ ndóꞌo ni un.

San Lucas 18:22

Ñaa tá xi̱ni soꞌo Jesús ya ndi̱kaꞌan ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siín ya ikan un. Xiko ndiꞌi ñaꞌa kúu mií un ta chindee un na ndaꞌvi. Saa ku ndixa ya ndukuika un xiꞌin Ndioxi nuu ndivi. Ikan ya ñaa, tá sindiꞌi un i̱kan un ya, ta saa kixi un kundikun un yeꞌe ―káchi Jesús xiꞌin ra.

San Lucas 8:18

’Ta kuenta ni koo ndo xaꞌa ñaꞌa ya xíni soꞌo ndo. Saa chi íyo naꞌa ta loꞌo ni kúndaa ini na ichí Ndioxi, sundi mií ra ku ra taxi ka ya kundaa ini na. Ta íyo sava na köo xíin kundaa ini xaꞌa ichí ra, ta nda ya loꞌo kúndaa ini na xaꞌa ra, túvi na, kindaa ndiꞌi ra ya ndaꞌa na ―káchi Jesús xiꞌin nda ítaꞌan xiꞌin ra.

San Juan 11:1

Ta ñuu Betania ndi̱xiyo iin ra nani Lázaro, saa ki̱ꞌin kueꞌe ra ndée ni ndóꞌo ra. Ta kuꞌva yá María xiꞌin yá Marta ku ra.

San Juan 11:19

Ta kuaꞌa ni na judío, ndi̱xaa síndiko na ini ná xaꞌa ya ndi̱xiꞌi kuꞌva ná.

San Juan 12:3

Ta saa xa̱a yá María kuꞌva ra Lázaro xiꞌin iin yuyu nuu ñúꞌu nduta tami xaꞌan nardo náni rá, ta kúu rá sava litro níꞌi yá xa̱a xiꞌin yá, si̱kuchi yá xaꞌa Jesús. Ta sindiꞌi ndi̱yakun yá xaꞌa ra xiꞌin ixi xiní yá. Ta iin chu̱tu ndaa xiko tami xaꞌan ini veꞌe ikán.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

San Juan 5:24

’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

1 Corintios 13:3

Ni ná nditaꞌvi ndiꞌi i ñaꞌa ya kúu mií i taxi i kuxi na ndaꞌvi, ni ná nditaxi i mií i koko ikin kuñu i xaꞌa na, tá tu köo ya kúꞌvi ini táxi Ndioxi íyo nima i ya kuꞌvi ini i kuni i inka na, ta ni köo ndáa yaꞌvi mií vi i.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.