San Lucas 10:40 - Xochapa Mixteco

⁴⁰ Saa íyo ni chiñu nuu yá Marta, ndíꞌi ni ini yá xáa chiñu yá. Ñaa ku̱yati yá nuu Jesús káꞌan yá xiꞌin ra, káchi yá saa: ―Tata, ¿án köo ndíꞌi ini un xiꞌin i xáa chiñu ni i? Án väꞌa ná kaꞌan loꞌo un xiꞌin yá María kuꞌvi i, chindee taꞌan loꞌo yá xiꞌin i chi si̱ndoo yaa yá chiñu ndaꞌa i, ta ndi̱kunduꞌu yá xíni soꞌo yá tuꞌun káꞌan un? ―káchi yá xiꞌin ra.

San Lucas 10:40 Mawu Ofanana

San Mateo 14:15

Saa xa kuaꞌan kú xikuáa ni, ñaa ndi̱xaa nda ítaꞌan xiꞌin Jesús nuu ra, káꞌan nda xiꞌin ra, káchi nda saa: ―Tata, xa xikuáa ni kua, ta ni naꞌa köo yóꞌó, ¿án vaꞌa ná ndai un na, ta tiꞌvi un ndiꞌi na yóꞌó, kuꞌun na ndá ñuu vali ñúꞌu yati ya nduku na ndá sata na ñaꞌa kuxi na? ―káchi nda xiꞌin ra.

San Mateo 16:22

Ñaa ta̱va síin ra Pedro ra, ndi̱kaꞌan ra xiꞌin ra, káchi ra saa: ―¡Ná täxi Ndioxi kundoꞌo un ya yóꞌó, Tata! ¡Nda iin kivi ná kündoꞌo un saa! ―káchi ra xiꞌin ra.

San Marcos 3:21

Tá ku̱ndaa ini na veꞌe Jesús xaꞌa ra, ta saa ke̱e na kuaꞌan na ndikiꞌin ñaꞌa na, saa chi ra ndu̱kiꞌvi ku ra, káchi naꞌa xaꞌa ra.

San Lucas 10:38

Saa ke̱e Jesús kuaꞌan ra xiꞌin nda ítaꞌan xiꞌin ra, ndi̱xaa ra iin ñuu loꞌo. Ta ikán ke̱ta iin yá náni Marta ndi̱kiꞌin yá ra kuaꞌan ra xiꞌin yá veꞌe yá.

San Lucas 10:41

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

San Lucas 12:29

Kündiꞌi ini ndo xaꞌa ñaꞌa kuxi ndo án nduta koꞌo ndo án ndá ka ñaꞌa xíniñuꞌu ndo, kündiꞌi ini ndo xaꞌa nda iin ya.

San Lucas 9:55

Ta saa ndi̱ko koo Jesús ndi̱ndaꞌi ra xiꞌin nda, káchi ra saa: ―Ndïkani ini ndo ya ñaa chi süvi ya vaꞌa ku ya ndíkani ini ndo.

San Juan 11:1

Ta ñuu Betania ndi̱xiyo iin ra nani Lázaro, saa ki̱ꞌin kueꞌe ra ndée ni ndóꞌo ra. Ta kuꞌva yá María xiꞌin yá Marta ku ra.

San Juan 11:5

Ta kúꞌvi ni ini Jesús xíni ra yá Marta xiꞌin kuꞌvi yá tin ra Lázaro kuꞌva yá.

San Juan 12:2

Saa ndi̱xaa Jesús veꞌe ikán nuu xa̱a vií na kuxini ra, ta yá Marta kua chíkaa ñaꞌa kuxi nda, ta índuꞌu ra Lázaro nuu mesa xiꞌin Jesús, saa ndóo ka inka nda.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.