San Lucas 10:28 - Xochapa Mixteco

²⁸ Saa ndi̱kuiin Jesús káꞌan ra: ―Ya ndaa ni ku ndixa va ya ndi̱kaꞌan un. Xaa súvi ya ñaa, ta kuchiñu un koo un xiꞌin Ndioxi ―káchi Jesús xiꞌin ra.

San Lucas 10:28 Mawu Ofanana

San Mateo 19:17

Saa ndi̱kuiin Jesús, káchi ra saa: ―¿Ndachu káꞌan un kúu i iin taa ra vaꞌa ni? Saa chi köo naꞌa na vaꞌa ni, iindaa mituꞌun mií Ndioxi ku ra vaꞌa ni. Tá tu kúni un kutaku un xiꞌin ra ndiꞌi saa kivi ya vaxi, ta xíniñuꞌu un xaa súvi un ley Ndioxi ―káchi Jesús xiꞌin ra.

San Marcos 12:34

Saa tá xi̱ni soꞌo Jesús ya vaꞌa ni ndi̱kuiin ra maestro ikán, saa ndi̱kaꞌan ra xiꞌin ra, káchi ra saa: ―Xa siloꞌo ni kúmani nuu un ya taxi un kaꞌnda chiñu Ndioxi nuu un ―káchi ra xiꞌin ra. Ta saa nda iin ka na köo ndixaꞌa ndee ini ndakan tuꞌun ñaꞌa ya koto ndoso na ra.

San Lucas 7:43

Saa ndi̱kuiin ra Simón káchi ra saa: ―Tuvi yeꞌe, ra kuaꞌa ni xi̱nika ku ra kúꞌvi ni ini xíni ñaꞌa ―káchi ra. Ta saa ndi̱kuiin Jesús, káchi ra saa: ―Ya ndaa ni ndixa ku ya ndi̱kaꞌan un ―káchi ra xiꞌin ra.

ROMANOS 10:4

Sundi ley Ndioxi ya xa̱ꞌnda chiñu ra nuu na Israel xinaꞌa ta si̱xinu Jesucristo ya, yakan ndiꞌi naꞌa na kándixa Jesucristo, ta Ndioxi ndása vaꞌa ra na, ndúu na naꞌa, na köo ka kuachi kúu mií nuu ra.

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.

ROMANOS 7:10

Ta saa ku̱ndaa ini i ley Ndioxi ya ndi̱kani ini i chindee yeꞌe kutaku i xiꞌin Ndioxi, ta ya xa̱ꞌni yeꞌe va ku ya, chi káꞌan ya xaꞌa i ya ndee ni íyo kuachi i nuu Ndioxi.

Gálatas 3:12

Sundi naꞌa, na ndáa ni ini xíni ya káꞌan ley ya ta̱a ra Moisés, ta köo ndáa ini na xíni na Ndioxi ya ndasa vaꞌa ra na, nduu na naꞌa, na köo ka kuachi kúu mií nuu ra. Chi saa káꞌan mií ley Ndioxi, káchi ya saa: “Naꞌa, na xáa súvi ndiꞌi ni kúu ley ya ta̱a ra Moisés ku na kuchiñu kutaku, tá tu xáa súvi ndiꞌi na ya káꞌan ya”, káchi ley ikán.