San Lucas 10:27 - Xochapa Mixteco

²⁷ Saa ndi̱kuiin ra ikán káꞌan ra saa: ―Soꞌva káchi ya: “Ná kuꞌvi ini yo kuni yo Ndioxi xiꞌin ndinuꞌu nima yo tin ya vaꞌa yo xiꞌin ndiꞌi ndee yo xiꞌin ya ndíkani ini yo. Ta saa ná kuꞌvi ini yo kuni yo na taꞌan yo tá kuꞌva kúꞌvi ini yo xíni xiꞌin mií yo”. Soꞌva káchi ya ta̱a ra Moisés ―káchi ra ikán xiꞌin Jesús.

San Lucas 10:27 Mawu Ofanana

San Mateo 19:19

Saa xaa toꞌo un iva un xiꞌin siꞌí un, ta kuꞌvi ini un kuni un inka naꞌa tá kuꞌva kúꞌvi ini un xíni un mií un ―káchi Jesús xiꞌin ra.

San Lucas 10:26

Ñaa ndi̱kuiin Jesús ndi̱kaꞌan ra xiꞌin ra, káchi ra saa: ―¿Unkua káꞌan ley Ndioxi ya ta̱a ra Moisés xinaꞌa tá káꞌvi ndo ya? ―káchi ra xiꞌin ra.

ROMANOS 13:9

Saa káchi ley Ndioxi, káchi ya saa: “Küvi kiꞌvi taa xiꞌin inka ñaꞌa, ni käꞌni un nda iin naꞌa, ni väꞌa sikuiꞌna un, ni küvi kutoo un ñaꞌa inka naꞌa, ni küvi kaꞌan siki un xaꞌa naꞌa”, káchi tuꞌun Ndioxi. Ta iin nuu káꞌan ya yóꞌó xiꞌin ya xa íyo inka ñaꞌñu nuu tuꞌun Ndioxi ya káchi saa: “Kuꞌvi ni ini un kuni un na taꞌan un, tá kuꞌva kúꞌvi ini un xíni un mií un”, káchi ya.

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

HEBREOS 8:10

Ta ya yóꞌó ku trato ya kindoo i ikan i xiꞌin na Israel kivi vaxi: Ta soꞌva koo ya ikan i xiꞌin na kivi ikán: Chikaa i ley i koo ya xi̱ní na, saa taa i ya nima na. Ta iindaa mituꞌun yeꞌe kuu Ndioxi ra kañuꞌu na, saa tu mií va na kundikun na yeꞌe.

Santiago 2:8

Tá tu ya ndixa ni kua kándixa ndo ley Ndioxi ya ndee ni ndáa yaꞌvi, ta vaꞌa ni va íkan ndo, chi soꞌva káꞌan ley ikán: “Ná kuꞌvi ni ini ndo kuni ndo naꞌa tá kuꞌva kúꞌvi ini ndo xíni ndo mií ndo”, káchi ya.

1 Juan 3:18

Ndóꞌo̱ ñani yo xiꞌin kuꞌva yo, tá íin seꞌe i saa íin ndo, ta káꞌan i xiꞌin ndo: Käꞌan ndo ndisaa tuꞌun mií xiꞌin taꞌan ndo, sundi ikan ndo ya vaꞌa xiꞌin ya ndaa nuu sínaꞌa ya ndixa kúꞌvi ini ndo xíni taꞌan ndo.