San Lucas 1:17 - Xochapa Mixteco

¹⁷ Chi suvi ra kunuu kuꞌun nuu ra kee kixi nuu Ndioxi, ta koo Tachi I̱í Ndioxi xiꞌin ra, saa koo ndee Ndioxi xiꞌin ra taꞌan ya ndi̱xiyo xiꞌin ra Elías ra ndi̱kaꞌan ndoso tuꞌun Ndioxi xinaꞌa, taꞌan ya ikán ku ya koo xiꞌin ra. Saa kuu mií ra ichí kaꞌan ra xiꞌin naꞌa ya ndikundoo vaꞌa na xiꞌin iva na tin seꞌe na. Ta saa ndiꞌi na iku ni ta nduvaꞌa na ikan na ya vaꞌa. Ta ra loꞌo seꞌe un ku ra chindee na koo ndúvi na, xáa na kaka na ichí Iva yo xiꞌin ndiꞌi nima na ―káchi tatun Ndioxi xiꞌin ra.

San Lucas 1:17 Mawu Ofanana

San Mateo 11:14

Xíniñuꞌu ndo kundaa ini ndo ya xa ndi̱xinu tuꞌun yóꞌó, saa chi tá kuꞌva ndi̱xiyo ra Elías saa íyo ra Juan, ra síkuchi naꞌa.

San Mateo 14:4

Saa chi xa yachi vi ndi̱kaꞌan ra Juan xiꞌin ra ya väꞌa ndi̱kan ra, xaꞌa ya ndi̱kiꞌin ra yá síꞌi ñani ra ―káchi ra.

San Mateo 3:3

Xaꞌa ra Juan kua ta̱a ra ndi̱kaꞌan ndoso tuꞌun yuꞌu Ndioxi, ra Isaías, káchi ra saa: Nuu íyo iku yuyu kuꞌun ra kaꞌan ndoso ra, kachi ra saa: “Ná koo tuꞌva ndo ta yachi ka ndasa vií ndo nima ndo, saa chi xa xa̱a mií ra kaꞌnu nuu yo. Kindaa ndo ya väꞌa sási ndóꞌo̱, ta saa kuchiñu ndo ndikiꞌin ndo ra”, kachi ra koo iku yuyu ikán. Saa káchi tuꞌun Ndioxi ya ta̱a ra Isaías ra ndi̱kaꞌan ndoso tuꞌun yuꞌu Ndioxi xinaꞌa.

San Mateo 3:4

Ta ndíxi ra Juan toto ndi̱kuaꞌa xiꞌin ixi kiti camello, saa ndíkaa ñii toko ra, ta xi̱taku ra xiꞌin tika ndiama tin ñuñu iku.

San Lucas 1:16

Ta kuaꞌa ni na kúu seꞌe ra Israel sindiko koo ra ichí Ndioxi.

San Lucas 1:76

Ta yóꞌo̱ ra loꞌo, ra káꞌan tuꞌun yuꞌu Iva yo Ndioxi koo un chi ra Chee ni ku ra, saa chi kunuu un nuu Tata yo kuꞌun un kaꞌan un xiꞌin na ya ndasa vií un ichí nuu ra.

San Juan 1:13

Ta mií ya ndaa seꞌe Ndioxi ndúu na, chi köo ndi̱kaku na tá kuꞌva káku seꞌe iin taa xiꞌin iin ñaꞌa. Sundi ka̱ku na tá kuꞌva kúni mií Ndioxi.

San Juan 1:34

Ta yeꞌe xa xi̱ni va i ra, ndíkuiin i káꞌan i xaꞌa ra xiꞌin ndo, ra yóꞌó ku Seꞌe Ndioxi ―káchi ra Juan.

San Juan 3:28

Xa xi̱ni soꞌo vaꞌa mií ndo tá ndi̱kaꞌan i xiꞌin ndo, “Süvi yeꞌe ku Cristo’’, takua ti̱ꞌvi Ndioxi yeꞌe ínuu i nuu ra vaxi i ndituꞌun i xiꞌin naꞌa ya koo tuꞌva na ndikiꞌin na ra.

Los Hechos 10:33

Tá ndi̱kaꞌan ya xiꞌin i ta ndikun ti̱ꞌvi i nda yóꞌó kuaꞌan nda ndikiꞌin nda yóꞌo̱. Vaꞌa ni kúu xa̱a un, ndi̱xaꞌvi un xaꞌa ya vaxi un. Ta vitin ndi̱kitaꞌan ndiꞌi nde ndóo nde kúni nde kuni soꞌo nde ya ndi̱kaꞌan Ndioxi xiꞌin un kaꞌan un xiꞌin nde ―káchi ra Cornelio xiꞌin ra Pedro.

ROMANOS 9:23

I̱kan Ndioxi saa chi ku̱ni ra si̱naꞌa ra yoo ya ndee ni ndee kúu mií ra, ta kúndaꞌvi ni ini ra xíni ra yoo ndi̱kaxin ra niꞌi yo ya vaꞌa, ya luvi ni taxi ra ndaꞌa yo.

Colosenses 1:12

Saa taxi ndo tixaꞌvi ndaꞌa Iva yo Ndioxi xiꞌin ya kúsini ni ndo, chi táxi ra ndiꞌi ñaꞌa ya xíniñuꞌu yo ndaꞌa yo ya kuchiñu yo ndikiꞌin yo ñaꞌa ya ndi̱kaꞌan ra nditaꞌvi ra xiꞌin ndiꞌi yo ñuu ra, yo i̱í, yo xíka nuu yéꞌe̱.

2 Timoteo 2:21

Tá tu ná küni soꞌo un ya sínaꞌa nda vata ikán, saa kua vaꞌa koo un tá kuꞌva íyo ndaꞌa chiñu, ya vaꞌa ni xíniñuꞌu na nuu viko ya íyo veꞌe kaꞌnu ikán. Ta kuꞌva saa ná nduvaꞌa nima yo nuu Ndioxi, ná ndu i̱í yo nuu ra tá kuꞌva kúni mií ra. Ta saa kua vaꞌa kuniñuꞌu ra yoo xaꞌa ndá ka chiñu ya kúni mií ra kuniñuꞌu ra yoo.

1 Pedro 2:9

Sundi ndóꞌo̱, ta mií Iva yo Ndioxi ku ra ndi̱kaxin ndóꞌo̱ ndu̱u ndo seꞌe mií ra, saa nda̱sa ra ndóꞌo̱ sutu na xáa chiñu nuu rey, ra kúu Tata yo Jesucristo, ta ndu̱u ndo iin ñuu na i̱í ni, na kúu kuenta mií Ndioxi. Ta mií Iva yo Ndioxi ku ra ndi̱kaxin ndóꞌo̱, ta̱va ra ndóꞌo̱ ichí nuu naá nuu xi̱ndoꞌni ndo, saa chi̱ndoo ra ndóꞌo̱ nuu luvi ni káa nuu íyo ñu̱ꞌu̱ yéꞌe̱ ya kúu mií ra. Ta ndi̱kaxin ra ndóꞌo̱ ya kaꞌan ndoso ndo tuꞌun ra ya ndee ni ndee kúu mií, ya kaꞌan ndo ya xiꞌin naꞌa ya kundaa ini na xaꞌa ya vaꞌa ni íkan Ndioxi.

1 Juan 2:28

Ta káꞌan tuku i xiꞌin ndo ñani yo, ndóꞌo̱ ta tá íin seꞌe i na kúꞌvi ni ini i xíni i, saa íin ndo. Ta kutaꞌan vaꞌa ni ndo xiꞌin Tata yo Jesucristo ta saa tá ná ndiko koo ra ñuu ivi yóꞌó ta vaꞌa ni kuni ndo kuyati ndo nuu ra, kükaꞌan nuu ndo kuni ndo ra.

El Apocalipsis 20:4

Saa xi̱ni i kuaꞌa ni tai toꞌo, ta nuu nu ikán ndóo ndiꞌi na kúu mií ichí ya xaa nani na kuachi. Ta xi̱ni tu i ya vaꞌa na ndee ni tuun xi̱ndikun Jesús, saa ndi̱xiꞌi na ndi̱taꞌnda sukun na chi ndi̱xika na ndi̱kaꞌan ndoso na tuꞌun vaꞌa xaꞌa Jesús yakan ndo̱ꞌo na saa. Ta köo ndi̱kañuꞌu na ikán kiti ìyo ni káa, ni naꞌna ri köo ndi̱kañuꞌu na, ta köo ndi̱taxi na ndikunuu sello ri taan na án ndaꞌa na. Saa ndi̱taku na ta xa̱á na xáꞌnda chiñu na xiꞌin Tata yo Jesucristo iin mil kuiya.