San Juan 9:31 - Xochapa Mixteco

³¹ Kúndaa ini yo, Ndioxi ta köo xíni soꞌo ra ya káꞌan na íyo kuachi, sundi na káñuꞌu ni ñaꞌa ta xáa súvi na ya káꞌan ra, na ikán ku na xíni soꞌo ra káꞌan, tá káꞌan na xiꞌin ra.

San Juan 9:31 Mawu Ofanana

San Juan 11:22

Ta saa ni vitin, xíni i tá ndá ñaꞌa ndúku un nuu Ndioxi, ta taxi ra ya ndaꞌa un ―káchi yá xiꞌin ra.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 7:17

Tá ndá ndo chíkaa ini xaa súvi ya kúni Ndioxi, ta vaꞌa kundaa ini ndo xaꞌa ya sínaꞌa i, án ya vaxi nuu Ndioxi kua án ya xáa xiní mií i kua káꞌan i xiꞌin ndo.

San Juan 9:30

Saa ndi̱kuiin ra káꞌan ra: ―Ndíkanda ini i xíto i nuu ndo, chi káꞌan ndo köo xíni ndo míí chí ke̱e ra, sundi yeꞌe ta si̱ndaꞌa ra yeꞌe, xu̱na ra nuu i.

San Juan 9:32

Nda kivi tá xaꞌa, ta täꞌan kuni soꞌo yo, kaꞌan naꞌa ya xu̱na na nuu iin na ka̱ku kuáa̱.

HEBREOS 10:7

Xaꞌa ya ñaa kua ndi̱kaꞌan i, káchi i saa: “Tata Iva i Ndioxi yóꞌó íin i. Vaxi i xaa súvi i ya kúni mií un, tá káchi ya íyo nuu ley un xaꞌa i”, káchi Jesucristo xiꞌin Ndioxi.