San Juan 9:29 - Xochapa Mixteco

²⁹ Ndeꞌe ta xíni nde ya ndi̱kaꞌan Ndioxi xiꞌin ra Moisés, sundi ra ñaa, ta köo xíni nde xaꞌa ra míí chí ke̱e ra ―káchi nda xiꞌin ra.

San Juan 9:29 Mawu Ofanana

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 26:61

ndi̱kaꞌan nda, káchi nda saa: ―Ra yóꞌo̱ ta ndi̱kaꞌan ra: “Yeꞌe, ta kuchiñu i sindiꞌi xaꞌa i veꞌe ñuꞌu kaꞌnu, ta tixin kivi uni sikuaꞌa tuku i ya,” káchi ra ―káchi nda xaꞌa ra.

San Lucas 23:2

Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.

San Juan 7:27

Ni yoo ta xíni yo míí ke̱e ra. Sundi tá ná kixi ra kúu Cristo, ta nda iin naꞌa köo xíni míí chí kixi ra ―káchi na.

San Juan 7:28

Ta saa ndíkaa Jesús keꞌe veꞌe ñuꞌu sínaꞌa ra, ñaa nda̱niꞌi ra tachi ra ta ndee ni ndi̱kaꞌan ra, káchi ra saa: ―¡Ya ndaa kua xíni ndo yeꞌe ta xíni tu ndo nuu ke̱e va i! Sundi süvi xaꞌa ya kúni mií i kua vaxi i, chi íyo iin ra ti̱ꞌvi yeꞌe vaxi i, ta ra ikán ta ndaa ni ini ra, ta ndóꞌo̱ köo xíni ndo ra.

San Juan 8:14

Saa ndi̱kuiin Jesús káꞌan ra: ―Ni káꞌan i xaꞌa mií i, ta ndáa yaꞌvi ya káꞌan i xaꞌa i, saa chi xíni i míí chí ki̱xi i, ta xíni i míí chí kuꞌun i, sundi ndóꞌo̱ ta köo xíni ndo míí chí ki̱xi i, ni köo xíni ndo míí chí kuꞌun i.

San Juan 9:16

Saa ndi̱kuiin sava nda fariseo káꞌan nda, káchi nda saa: ―Taa, ra i̱kan saa xiꞌin un, ta süvi nuu Ndioxi ndi̱kee ra, chi köo ndi̱xaa súvi ra kivi i̱í ya ndíkundee yo ―káchi nda xiꞌin ra. Ta sava na káꞌan: ―¿Ndachu vaꞌa íkan ra yatuꞌun, tá tu ra íyo kuachi ku ra? ―káchi na. Iin ndi̱saka soꞌva ini nda.

San Juan 9:24

Saa ka̱na tuku nda naꞌnu nuu na judío ra, ta ndi̱kaꞌan nda xiꞌin ra káchi nda saa: ―Vaꞌa xaa kaꞌnu un Ndioxi xaꞌa ya ndu̱vaꞌa un ndi̱xuna nuu un, chi ndeꞌe ta xíni nde, ra íkan ya väꞌa ku ra si̱ndaꞌa yóꞌo̱ ―káchi nda xiꞌin ra.

San Juan 9:30

Saa ndi̱kuiin ra káꞌan ra: ―Ndíkanda ini i xíto i nuu ndo, chi káꞌan ndo köo xíni ndo míí chí ke̱e ra, sundi yeꞌe ta si̱ndaꞌa ra yeꞌe, xu̱na ra nuu i.

Los Hechos 22:22

Saa xíni soꞌo na ya káꞌan ra Pablo, ñaa ndi̱ndaꞌi ni na, káchi na saa: ―¡Vaꞌa ka ná kuvi ra! ¡Köo kúu mií ra ichí kutaku ka ra! ―káchi na.

Los Hechos 26:22

Ta Ndioxi chíndee yeꞌe ndiꞌi saa kivi, yakan vaꞌa táku i nda kivi vitin, ndíchi i nuu ndo. Ta káꞌan ndoso i tuꞌun Ndioxi xiꞌin na vali tin na naꞌnu. Ta köo ndi̱nama i ya káꞌan i xiꞌin na, tá kuꞌva ndi̱kaꞌan ra Moisés tin nda ndi̱kaꞌan ndoso tuꞌun yuꞌu Ndioxi xaꞌa ñaꞌa ya kuu kivi vaxi, saa íyo ya káꞌan i xiꞌin na.

Los Hechos 7:35

Saa xa̱á ka ra káꞌan ra, káchi ra saa: ―’Ta vaꞌa ná kundaa ini ndo, chi vani ku̱ndasi nuu na xi̱ni na ra Moisés xií sikua yo ta ndi̱kaꞌan na xiꞌin ra: “¿Unku ndi̱kaxin yóꞌo̱ ya xaa nani un kuachi xiꞌin nde?”, káchi nda xiꞌin ra. Ni ku̱ndasi ñaꞌa na, sundi ra ikán ku ra ndi̱kaxin Ndioxi chindee ñaꞌa ya kana koo na ñuu Egipto. Chi mií Ndioxi ku ra ta̱xi chiñu ndaꞌa ra ya kuu mií ra chiñu nuu na kivi ndi̱tuvi tatun Ndioxi nuu ra nuu xíxi itun iñu.

HEBREOS 1:1

Tá kuiya xinaꞌa ta kuaꞌa ni ichí tin kuaꞌa ni kuꞌva ndi̱kaꞌan Ndioxi xiꞌin xii sikua yo, ta ndi̱kaꞌan ra xiꞌin na tixin nda ndi̱kaꞌan ndoso tuꞌun yuꞌu ra.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.