San Juan 9:2 - Xochapa Mixteco

² Saa ndi̱ndakan tuꞌun ñaꞌa nda ítaꞌan xiꞌin ra, káchi nda saa: ―Tata Maestro, ¿unku na kúu mií kuachi yakan ka̱ku kuáa̱ ra yóꞌó? ¿Án xaꞌa kuachi iva siꞌí ra kua, án xaꞌa kuachi mií ra kua? ―káchi nda.

San Juan 9:2 Mawu Ofanana

San Mateo 16:14

Saa ndi̱kuiin nda ítaꞌan xiꞌin ra, káchi nda saa: ―Sava na káꞌan, ra Juan ra síkuchi naꞌa ku un, ta sava tuku na káꞌan, ra profeta Elías, án ra Jeremías ku un, án ndá ka inka nda profeta káꞌan tuꞌun yuꞌu Ndioxi ku un, káchi na xaꞌa un ―káchi nda xiꞌin ra.

San Mateo 23:7

Saa kútoo nda ya ná kaꞌan toꞌo naꞌa xiꞌin nda tá kuaꞌan nda nuu yaꞌvi, ta kútoo nda kaꞌan na xiꞌin nda “Maestro”.

San Mateo 23:8

’Sundi ndóꞌo̱ ta ïkan ndo saa, täxi ndo kaꞌan naꞌa xiꞌin ndo “maestro”, saa chi iindaa Cristo ku maestro nuu ndo, ta ndiꞌi ndo ta iin káchi íin ndo nuu taꞌan ndo.

San Lucas 13:2

Saa ndi̱kuiin Jesús káꞌan ra xiꞌin na, káchi ra saa: ―¿Ta unkua ndíkani ini ndóꞌo̱? ¿Án ndo̱ꞌo na saa chi ndee ni ka kuachi na ikán nuu ndóꞌo̱, túvi ndo?

San Juan 4:31

Ta nda ítaꞌan xiꞌin ra, ndinuni loꞌo káꞌan nda xiꞌin ra, káchi nda saa: ―Rabí, kuxi loꞌo un ―káchi nda xiꞌin ra.

San Juan 9:1

Tá yáꞌa Jesús kuaꞌan ra ta xi̱ni ra iin ra kuáa̱, saa káa ra tá ka̱ku ra.

San Juan 9:34

Saa ndi̱kuiin nda ndi̱kaꞌan nda xiꞌin ra, káchi nda saa: ―Tixin kuachi ka̱ku un, ta ni köo ichí kúu mií un ya sinaꞌa un ndeꞌe ―káchi nda xiꞌin ra. Saa ta̱va ndaꞌa nda ra veꞌe ñuꞌu sinagoga ke̱ta ra kuaꞌan ra.

Los Hechos 28:4

Saa tá xi̱ni sava mií na ñuu ikán ya tíin ri ndaꞌa ra, ñaa xa̱á na káꞌan na xiꞌin taꞌan na, káchi na saa: ―Süvi ra vaꞌa ku ra yóꞌó, ra xáꞌni ndìì ku ra, vani ndi̱kaku ra ini nduta ñûꞌu ta köo táxi ndioxi yo kutaku ra ―káchi na.