San Juan 9:18 - Xochapa Mixteco

¹⁸ Ta nda naꞌnu nuu na judío, ta köo ndi̱kandixa nda ya ka̱ku kuáa̱ ra ikán, ta ndi̱xuna nuu ra vaꞌa xíto ra. Ndakua ka̱na nda iva siꞌí ra.

San Juan 9:18 Mawu Ofanana

San Lucas 16:31

Ñaa ndi̱kaꞌan ra Abraham, káchi ra saa: “Tá tu köo xíin nda kuni soꞌo nda nda ya ta̱a ra Moisés ni ya ta̱a nda ndi̱kaꞌan ndoso tuꞌun yuꞌu Ndioxi ta ni ná nditaku na ndíi kuꞌun na kaꞌan na xiꞌin nda ta küaꞌa vi nda kuni soꞌo nda”, káchi ra Abraham xiꞌin ra kuika ikán. Soꞌva káchi tuꞌun ndíchi ikán ―káchi Jesús xiꞌin na.

San Juan 1:19

Soꞌva ndi̱kuiin ra Juan ra sínaꞌa naꞌa, tá ti̱ꞌvi nda naꞌnu nuu na judío na ndóo ñuu Jerusalén sava nda sutu xiꞌin sava nda levita, nda ndíso chiñu xiꞌin veꞌe ñuꞌu. Ti̱ꞌvi ñaꞌa nda kuaꞌan nda ndakan tuꞌun nda ra, káchi nda saa: ―¿Unku yóꞌo̱? ―káchi nda xiꞌin ra.

San Juan 5:44

Köo xíin ndo kandixa ndo yeꞌe, saa chi kútoo ni ndo kaꞌan vaꞌa ndo xaꞌa taꞌan ndo, ta köo ndúku ndo ya kaꞌan vaꞌa Ndioxi xaꞌa ndo ―káchi ra xiꞌin nda.

San Juan 9:19

Ndi̱kaꞌan nda xiꞌin na, káchi nda saa: ―¿Án seꞌe ndo ku ra yóꞌó? ¿Ta án ndixa kua ka̱ku kuáa̱ ra? ¿Ta ndachu vaꞌa ndi̱xuna nuu ra? ―káchi nda xiꞌin iva síꞌí ra.

San Juan 9:22

Ndi̱kaꞌan iva siꞌí ra saa xaꞌa ya íꞌvi na nuu nda naꞌnu nuu na judío, chi xa chi̱taꞌan tuꞌun nda tá ndá naꞌa káꞌan xaꞌa Jesús ya kúu ra Cristo, ta tava ndaꞌa ñaꞌa nda ini veꞌe ñuꞌu sinagoga, káchi nda.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.