San Juan 8:56 - Xochapa Mixteco

⁵⁶ Ta ra Abraham ra káꞌan ndo kúu iva ndo, ta xi̱ni i ku̱sini ni ra tá ndi̱kaꞌan Ndioxi xiꞌin ra ya kixi i ñuu ivi yóꞌó ―káchi Jesús xiꞌin nda.

San Juan 8:56 Mawu Ofanana

San Mateo 13:17

Ya ndaa káꞌan i xiꞌin ndo, xinaꞌa ndi̱xiyo kuaꞌa ni nda profeta nda ndi̱kaꞌan ndoso tuꞌun yuꞌu Ndioxi saa tu nda ndi̱xika ndaku ni nuu Ndioxi va, nda ikán ta ku̱too ni nda koto nda ya xíto ndo vitin, ta köo ndi̱kuvi kuni nda ya, saa ni ku̱too ni nda kuni soꞌo nda ya xíni soꞌo ndo, ta köo ndi̱kuvi kuni soꞌo nda ya ―káchi Jesús xiꞌin nda ítaꞌan xiꞌin ra.

San Lucas 10:24

Ndisaa vi nda ndi̱kaꞌan ndoso tuꞌun yuꞌu Ndioxi xiꞌin nda rey nda ku̱u mií chiñu ndee xinaꞌa, ku̱ni nda kuni nda ya xíto ndo xiꞌin ya xíni soꞌo ndo tiempo vitin, sundi köo ndi̱xini nda ya, ni köo ndi̱xini soꞌo nda ya ―káchi Jesús xiꞌin nda.

San Juan 10:25

Saa ndi̱kuiin ra káꞌan ra xiꞌin nda, káchi ra saa: ―Xa ndi̱kaꞌan i xiꞌin ndo ta köo ndi̱xiin ndo kandixa ndo yeꞌe. Ndiꞌi seña ya íkan i nuu ndo ya ñaa kua ndíkuiin xaꞌa i ya kúu mií i ichí Iva i Ndioxi yakan vaꞌa íkan i ya.

San Juan 8:37

Xa xíni i kúu ndo seꞌe sikua ra Abraham, sundi kúni ndo kaꞌni ndo yeꞌe xaꞌa ya köo kíndoo ini ndo xiꞌin tuꞌun káꞌan i xiꞌin ndo.

San Juan 8:39

Saa ndi̱kuiin na káꞌan na, káchi na saa: ―Ra Abraham ku iva nde ―káchi na. Saa ndi̱kuiin Jesús káꞌan ra xiꞌin na: ―Tá tu ndixa seꞌe sikua ra Abraham ku ndóꞌo̱, ta xaa súvi ndo taꞌan ya i̱kan ra ikán, ndíkuu.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

HEBREOS 11:39

Vani ndo̱ꞌo ni na ndaꞌvi ikán ta vaꞌa ni va káꞌan Ndioxi xaꞌa na, saa chi xi̱ndaa ni ini na xi̱ni na ra, sundi köo ndi̱kiꞌin na ya ki̱ndoo Ndioxi xiꞌin na taxi ra ndaꞌa na.