San Juan 8:55 - Xochapa Mixteco

⁵⁵ Sundi ndóꞌo̱ ta köo xíni ndo ra, ta yeꞌe ta xíni vaꞌa i ra. Tá tu ná kaꞌan i xiꞌin ndo köo xíni i ra kachi i xiꞌin ndo, ta ndúu i iin ra vata taꞌan mií ndo. Sundi yeꞌe ta ya ndixa kua xíni i ra, ta xáa súvi i ya káꞌan ra.

San Juan 8:55 Mawu Ofanana

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 10:15

Tá kuꞌva xíni Iva i yeꞌe, saa xíni vaꞌa tu mií va i ra ta íyo tuꞌva i kuvi i xaꞌa levo sana i.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

San Juan 15:21

Ndiꞌi ya yóꞌó kundoꞌo ndo xaꞌa ya ndíkun ndo yeꞌe. Chi na ñuu ivi yóꞌó ta köo xíni na Iva i ra ti̱ꞌvi yeꞌe vaxi i.

San Juan 16:3

Saa ikan na xiꞌin ndo, saa chi täꞌan kuni na yeꞌe, ni Iva i ta köo xíni na ra.

San Juan 17:25

Tata Iva yo, ra vaꞌa, ra ndaa ni kuu mií un. Na ndíkun ñuu ivi yóꞌó ta köo xíni na yóꞌo̱, sundi yeꞌe ta xíni i yóꞌo̱, ta na ndíkun yeꞌe xa xíni na yóꞌo̱ ku ra ti̱ꞌvi yeꞌe vaxi i.

San Juan 6:46

’Köo naꞌa ndi̱xini xiꞌin nuu Ndioxi, iindaa mituꞌun mií ra ke̱e nuu ra ku ra xi̱ni ñaꞌa.

San Juan 8:19

Saa ndi̱kaꞌan nda xiꞌin ra káchi nda saa: ―¿Míí íyo Iva un? ―káchi nda. Saa ndi̱kuiin Jesús káꞌan ra xiꞌin nda: ―Ndóꞌo̱ ta köo xíni ndo yeꞌe, ta ni Iva i köo xíni ndo ra. Saa chi tá tu xíni ndo yeꞌe, ta kúni kachi ya xíni tu ndo Iva va i, ndíkuu ―káchi ra xiꞌin nda.

San Juan 8:29

Chi Iva i ra ti̱ꞌvi yeꞌe vaxi i ta íyo ra xiꞌin i, köo síndoo mituꞌun ra yeꞌe, íyo ra xiꞌin i ta nina ya kúni mií ra kua íkan i ―káchi Jesús xiꞌin nda.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

San Juan 8:51

Ta ya ndaa ku tuꞌun káꞌan i xiꞌin ndo, ndiꞌi na xáa súvi tuꞌun ya káꞌan i, ta küvi na ―káchi Jesús.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.

Los Hechos 17:23

Tá ndi̱xika i xíto ndeꞌe i ñuu ndo, ta xi̱ni i kuaꞌa ni ndioxi si̱kuaꞌa ndo xáa toꞌo ndo. Ta xi̱ni i nuu káñuꞌu ndo ndioxi ndo ndóso tuꞌun káchi ya saa: “YÓꞌÓ XÁA TOꞌO YO NDIOXI RA KÖO XÍNI YO”, káchi ya. Ta xaꞌa Ndioxi ra káñuꞌu ndo, ra köo xíni ndo ñaa kua káꞌan i xiꞌin ndo vitin.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

1 Juan 1:6

Tá tu káꞌan yo iin yuꞌu ku yo xiꞌin ra, káchi yo, ta íkan yo ñaꞌa väꞌa, ta kúni kachi ya: yo vata ku yo. Ta tá káa yo xíka nuu naá saa íin yo, ta köo íkan yo ya ndaa.

1 Juan 2:22

Ta ¿án xíni ndo unku na vata? Vaꞌa ná kundaa ini ndo xaꞌa na, na káꞌan ya köo kúu Tata yo Jesucristo taa ra ti̱ꞌvi Iva yo Ndioxi ki̱xi sikaku yo ñuu ivi ku na vata. Na ikán ku na kánitaꞌan xiꞌin ra, ta ndíkuaa na Iva yo Ndioxi xiꞌin Tata yo Jesucristo ra kúu Seꞌe ra.

1 Juan 2:4

Ndiꞌi na káꞌan: “Xíni i ini Ndioxi”, káchi na, ta köo xáa súvi na ya xáꞌnda chiñu ra nuu na, na ñaa, ta na vata va ku na, köo ya ndaa íyo ini na.

1 Juan 5:10

Ta ndiꞌi na kándixa Jesús ra kúu Seꞌe Ndioxi, ta íyo tu ya ndíkuiin xaꞌa ra ini na ikán va. Ta naꞌa, na xïin kandixa ya káꞌan Ndioxi xaꞌa Seꞌe ra, ta tá káa ra vata saa ndása na ra, saa chi köo xíin na kandixa na ya káꞌan Ndioxi xaꞌa Seꞌe ra.

El Apocalipsis 3:9

Kúni i kundaa ini ndo unkua ikan i xiꞌin naꞌa, na vata na xáa súvi ya sínaꞌa kiti nǎꞌa, ti Satanás. Na vata ku na chi káꞌan na kúu na judío na ndíkun ichí Ndioxi, ta süvi ya ndaa kua káꞌan na. Ta vaxi kivi kuꞌun na sikusiti na nuu ndo, ta saa kundaa ini na ya kúꞌvi ni ini i xíni i ndóꞌo̱.