San Juan 8:46 - Xochapa Mixteco

⁴⁶ ¿Án ndá ndóꞌo̱ táxi kuachi i xaꞌa ndá ya väꞌa ikán i? Ya ndaa káꞌan i xiꞌin ndo, ta ¿ndachu köo xíin ndo kandixa ndo yeꞌe?

San Juan 8:46 Mawu Ofanana

San Mateo 21:25

Ta kaꞌan ndo xiꞌin i, ¿unku na ti̱ꞌvi ra Juan ya sikuchi ra naꞌa? ¿Án Ndioxi ti̱ꞌvi ra, án naꞌa ti̱ꞌvi ra? Tá tu ná ndikuiin ndo yuꞌu i, ta saa tu yeꞌe va kaꞌan i xiꞌin ndo unku ta̱xi ichí ndaꞌa i ya ikan i saa ―káchi ra xiꞌin nda. Saa xa̱á nda káꞌan xiꞌin taꞌan nda, káchi nda saa: ―Tá ná kaꞌan yo Ndioxi ti̱ꞌvi ra, ta kaꞌan ra xiꞌin yo: “Ta ndachu köo ndi̱kandixa ndo ra?”, kachi ra xiꞌin yo.

San Marcos 11:31

Saa xa̱á nda káꞌan xiꞌin taꞌan nda, káchi nda saa: ―Tá tu ná kaꞌan yo xiꞌin ra: “Ndioxi ta̱xi ichí ndaꞌa ra Juan”, kachi yo, ta kaꞌan ra xiꞌin yo: ‘‘Ta ¿ndachu köo ndi̱kandixa ndo ra, tá Ndioxi ta̱xi ichí ndaꞌa ra?’’, kachi ra xiꞌin yo.

San Juan 14:30

’Ta soo uvi ndaa tuꞌun káꞌan i xiꞌin ndo, chi xa vaxi kiti nǎꞌa, kiti xáꞌnda chiñu nuu na ñuu ivi yóꞌó. Ta nda loꞌo köo xáꞌnda chiñu ri nuu yeꞌe.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

San Juan 16:8

Tá ná kixi ya ta sixinu ya ini na ñuu ivi yóꞌó ya íyo kuachi na, saa sinaꞌa ya na ya íyo iin ichí ndaku ni, ta kaꞌan ya xiꞌin na ya xaa nani Ndioxi kuachi xiꞌin na.

San Juan 18:37

Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

San Juan 8:47

Ndiꞌi na kúu kuenta Ndioxi ta xíni soꞌo na tuꞌun ra, ta ndóꞌo̱ ta süvi kuenta Ndioxi ku ndo, yakan köo xíin ndo kuni soꞌo ndo ya káꞌan i ―káchi Jesús xiꞌin na.

San Juan 8:7

Ta ndíkundee nda ndákan tuꞌun ñaꞌa nda, saa ndi̱kundichi ra ta ndi̱kaꞌan ra xiꞌin nda, káchi ra saa: ―Unku ndóꞌo̱ köo nda iin kuachi kúu mií, ta vaꞌa xiꞌna ndóꞌo̱ kiꞌin yu̱ú kakin ndo sata yá ―káchi ra xiꞌin nda.

2 Corintios 5:21

Nda iin kuachi köo ndi̱kan Jesucristo, ta xaꞌa kuachi yoo kua si̱kuiso Ndioxi kuachi sata ra, ya ná kuchiñu yoo nduu yo tá íin naꞌa, na köo ka kuachi kúu mií nuu Ndioxi, xaꞌa ya ndi̱kitaꞌan yo xiꞌin Jesucristo.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.

HEBREOS 7:26

Jesús ku ra ku sutu chee ni ka, ra ndee ni xíniñuꞌu yo. Saa chi ra ikán ta ra i̱í ni ku ra, nda iin kuachi ni ya väꞌa köo ndi̱kan ra, ta köo íyo yuꞌu ra xiꞌin na íkan kuachi, saa nda̱a ra kuaꞌan ra nuu ndivi, ta sukun ni ka nda̱a ra kuaꞌan ra.

1 Pedro 2:22

Nda iin kuachi ra köo ndi̱xiyo, ni köo ndi̱sindaꞌvi ra nda iin naꞌa.