San Juan 8:34 - Xochapa Mixteco

³⁴ Saa ndi̱kaꞌan Jesús xiꞌin na, káchi ra saa: ―Ya ndaa kua káꞌan i xiꞌin ndo, tá kúu ndiꞌi na kuakiꞌvi kuachi, ta tá íin na núꞌni ndaa saa íin na ndaꞌa ya.

San Juan 8:34 Mawu Ofanana

San Mateo 5:18

Ya ndaa káꞌan i xiꞌin ndo, kivi íyo ka ndivi xiꞌin ñuu ivi yóꞌó, ta nda iin letra, ni iin punto loꞌo ndündaa nuu ley Ndioxi ya ta̱a ra Moisés. Xinu ndiꞌi ni kúu tuꞌun ra, nda iin ya ndïꞌi xaꞌa.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

Los Hechos 8:23

Saa chi xíto i ta süvi ichí vaꞌa kuaꞌan un, ichí väꞌa kuaꞌan un. Tá káa iin ra núꞌni saa káa un xaꞌa kuachi un ―káchi ra Pedro xiꞌin ra Simón ikán.

ROMANOS 6:12

Täxi ndo kaꞌnda chiñu kuachi ndo nuu ikin kuñu ndo, ta ni xäa súvi ndo ya väꞌa ya kútoo ni ya ikan ya, chi ya ndíꞌi xaꞌa va ku ikin kuñu ndo.

ROMANOS 6:16

¿Án köo xíni ndo iin taa ra sa̱ta naꞌa xáa chiñu ra nuu na, ta xíniñuꞌu ra xaa súvi ra ya kúni mií na? Saa íyo ndóꞌo̱ nuu kuachi ndo, tá tu xáa súvi ndo ya kúni kuachi ndo, ta kuvi ndo nuu Ndioxi, án tá xáa súvi ndo ya kúni Ndioxi ta kuchiñu ndo kutaku ndo xiꞌin ra.

ROMANOS 6:6

Saa chi tá ndi̱xiꞌi Jesucristo ndaꞌa cruzin, ta nda tá íin mií yo ndi̱xiꞌi saa ndi̱xiyo yo xiꞌin ra ndaꞌa nu. Ndaꞌa nu ikán ku nuu ndi̱ꞌi xaꞌa ya yata, ya ku̱u mií yo, ya ndee ni si̱keꞌe ini yo ikan yo ya väꞌa nuu Ndioxi.

ROMANOS 7:14

Ta xa kúndaa ini yo ley Ndioxi ta mií ra chi̱nduꞌu ya, ya ke̱e ndivi ku ya. Ta yeꞌe ta ra ñuu ivi yóꞌó va ku i, tá káa iin ra núꞌni káa i ndíkaa i ndaꞌa kuachi i chi xáꞌnda chiñu ya nuu i.

ROMANOS 7:25

Ta ndixaꞌvi ni Ndioxi xaꞌa chiñu ya xa̱a súvi Tata yo Jesucristo! Chi iindaa ra ikán ku ra kuchiñu sikaku yoo nuu ndee ya väꞌa. Ta vitin ku̱ndaa ini i, ni ndinuꞌu ni va ini i kúni i xaa súvi i ley Ndioxi, sundi xaꞌa ya kúu i ra ivi yóꞌó, yakan vita ni i nuu kuachi, kúchiñu ya xáꞌnda chiñu ya nuu i.

ROMANOS 8:21

saña Ndioxi ya nuu chiꞌña ndíso ya. Ta saa nda mií yo kúu seꞌe Ndioxi kindoo ndíka yo nuu ya väꞌa, chi Ndioxi ikan ra ya vaꞌa chee ni xiꞌin yo, ta vaxi kivi kindoo ndíka ndiꞌi ya si̱kuaꞌa Ndioxi nuu ya si̱tivi ñaꞌa.

Efesios 2:2

Saa ndi̱xiyo ndo yachi, i̱kan ni ndo ya väꞌa xaꞌa ya xi̱ndikun ndo ichí taꞌan ya ndíkun na ñuu ivi yóꞌó, ta xa̱a súvi ndo ya ndi̱kaꞌan kiti nǎꞌa, kiti xáꞌnda chiñu nuu ndiꞌi tachi nduvaꞌa xiꞌin ndo, ta nda vitin ta xáꞌnda chiñu yaa va ri nuu naꞌa, na köo xíin kuni soꞌo ya káꞌan Ndioxi.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

2 Pedro 2:19

Ta káꞌan nda xiꞌin na tá ná kundikun na nda, ta taxi nda koo ndíka na, káchi nda xiꞌin na, ni mií nda ta köo íyo ndíka nda nuu ya väꞌa, xaꞌa ya íkan nda ya kúni mií nda. Ta ya ndaa ku ndixa va ya chi naꞌa, na táxi xáꞌnda chiñu ya väꞌa nuu na, ta núꞌni va na ndaꞌa ya väꞌa.