San Juan 8:31 - Xochapa Mixteco

³¹ Saa ndi̱kaꞌan Jesús xiꞌin na judío na kándixa ñaꞌa, káchi ra saa: ―Tá tu chíkaa soꞌo ni ndo tuꞌun ya sínaꞌa i ndóꞌo̱ iin iin kivi ta saa kua ndixa ni kúu ndo ndóꞌo̱ ndíkun yeꞌe.

San Juan 8:31 Mawu Ofanana

San Mateo 24:13

Sundi ndiꞌi na köo ndiko koo ini xaꞌa ya kuaꞌan na ichí i, na ikán ku na kaku.

San Juan 1:47

Tá xi̱ni Jesús kúyati ra Natanael xaa ra nuu ra, ta saa ndi̱kaꞌan ra xaꞌa ra, káchi ra saa: ―¡Ra vaxi yóꞌo̱ ta mií ra ñuu Israel, ra ndaa ni ini ku ra, ta ni köo ya síki íyo ini ra! ―káchi Jesús xaꞌa ra.

San Juan 2:2

Saa tu mií va ra ka̱na na ra kuaꞌan ra nuu viko ikán xiꞌin nda ítaꞌan xiꞌin ra.

San Juan 6:55

Saa chi kuñu i ku ya ndixa ni ndinuꞌu ndaa kuxi naꞌa xiꞌin nií i ku rá ndinuꞌu ni ndaa vaꞌa koꞌo na.

San Juan 8:36

Yakan kua tá tu ná saña ndíka Seꞌe Ndioxi ndóꞌo̱, ta saa kua ndixa saña ndo kuꞌun ndíka ndo ikan ra.

Los Hechos 13:43

Saa tá ndi̱ꞌi junta ikán ta kuaꞌa ni nda judío xiꞌin nda köo kúu judío nda káñuꞌu ni Ndioxi, ndi̱kundikun nda ra Pablo xiꞌin ra Bernabé. Saa káꞌan ra Pablo xiꞌin ra Bernabé xiꞌin nda ya ná kandixa ni ka nda Ndioxi vitin taan, ta saa niꞌi ka nda ya vaꞌa nuu ra, chi vaꞌa ni ini ra, káchi nda xiꞌin nda ikán.

Los Hechos 14:22

Tá ndi̱xaa nda iin iin ñuu ikán saa ta̱xi ka nda ndee ndaꞌa na ndíkun Jesús ya ná kundaa ni ka ini na kuni na ra. Ta saa ndi̱kaꞌan ka ra Pablo xiꞌin na, káchi ra saa: ―Xíniñuꞌu yo ndoꞌo ni yo saa kuchiñu yo kiꞌvi yo koo yo xiꞌin Ndioxi nuu xáꞌnda chiñu ra ―káchi ra xiꞌin na.

Los Hechos 26:22

Ta Ndioxi chíndee yeꞌe ndiꞌi saa kivi, yakan vaꞌa táku i nda kivi vitin, ndíchi i nuu ndo. Ta káꞌan ndoso i tuꞌun Ndioxi xiꞌin na vali tin na naꞌnu. Ta köo ndi̱nama i ya káꞌan i xiꞌin na, tá kuꞌva ndi̱kaꞌan ra Moisés tin nda ndi̱kaꞌan ndoso tuꞌun yuꞌu Ndioxi xaꞌa ñaꞌa ya kuu kivi vaxi, saa íyo ya káꞌan i xiꞌin na.

ROMANOS 11:22

Koto ndó, vaꞌa ni Ndioxi kúndaꞌvi ni ini ra xíni ra yoo, sundi köo sísiki ra xiꞌin naꞌa, na köo xíin kandixa ñaꞌa, ta kúndaꞌvi ni ini ra xíni ra ndóꞌo̱. Yakan kua kandixa ni ndo ra, tuun ni kandixa ndo ya kúndaꞌvi ni ini ra xíni ra ndóꞌo̱. Tá tu köo íkan ndo saa, ta ìyo xaa xíka ra ndóꞌo̱, tá kuꞌva kúxika ndaꞌa itun tá táꞌnda nu.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

1 Timoteo 2:15

Xaꞌa ya ikán kua sikaku Ndioxi ná síꞌi tá íyo ná káku seꞌe ná, chi ndáa ni ini ná xíni ná ra, saa kúꞌvi ni ini ná xíni ná ra, ta ndúu i̱í ni ka va ná xaꞌa ya vaꞌa íkan ná nuu ra.

1 Timoteo 4:16

Ta kuenta ni koo un xaꞌa kuꞌva íyo un xiꞌin kuꞌva ya sínaꞌa un na, kundiꞌi ni ini un xaa súvi un ya, chi tá vaꞌa íkan un ta síkaku un mií un xiꞌin na xíni soꞌo ya káꞌan un.

2 Timoteo 3:14

Sundi yóꞌo̱, ta xíniñuꞌu un xaa súvi un tuꞌun ya ndaa ya xa si̱kuaꞌa un, chi xa xíni un ya ndaa ni kua, ta saa xíni vaꞌa un na si̱naꞌa ya yóꞌó.

HEBREOS 3:14

Ta ya ndixa kua táxi Cristo ndiꞌi ya kúu mií ra ndaꞌa yo, tá tu köo síndoo yo ya tuun ni ndíkun yo ra, tá tu ndáa ni ini yo xíni yo ra tá kuꞌva ndi̱xiyo yo xiꞌin ra nda tá xaꞌa, tá sikan xa̱á yo ndikun yo ra.

HEBREOS 8:9

Ta trato ya kindoo i xiꞌin na kivi vaxi, ta süvi ka taꞌan ya ki̱ndoo i xiꞌin xii sikua na xinaꞌa kua, tá kivi ti̱in i ndaꞌa na ta̱va i na ñuu Egipto. Saa chi xaꞌa ya köo ndi̱xaa súvi na ya ndi̱kaꞌan i xiꞌin na, yakan kua si̱ndoo ndaꞌa i na.

Santiago 1:25

Sundi naꞌa, na köo ndi̱ndoso ini xaꞌa tuꞌun Ndioxi ya xíni soꞌo na, ta xáa súvi na ya káꞌan ya, ta vaꞌa ni kée na, chi sáña ndíka na xaꞌa kuachi na.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.

1 Juan 2:24

Xaꞌa ya ñaa kua chivaꞌa ni ndo tuꞌun ra ya xi̱ni soꞌo ndo tá núnu̱ú, chivaꞌa ndo ya ná koo ya nima ndo. Tá tu íkan ndo saa chívaꞌa ndo tuꞌun ra nima ndo ya xi̱ni soꞌo ndo tá núnu̱ú, ta saa tu ndóꞌo̱ va koo ndo xiꞌin ra kúu Seꞌe Ndioxi tin Iva ra.

2 Juan 1:9

Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.