San Juan 8:26 - Xochapa Mixteco

²⁶ Íyo kuaꞌa ni ya kaꞌan i xiꞌin ndo xaꞌa ya väꞌa íkan ndo. Sundi ra ti̱ꞌvi yeꞌe vaxi i, ta ra ndaa ni ku ra, ta ndiꞌi ya káꞌan i ñuu ivi yóꞌó ta ya xi̱ni soꞌo i ndi̱kaꞌan ra kua káꞌan i ―káchi Jesús xiꞌin nda.

San Juan 8:26 Mawu Ofanana

San Juan 15:15

Ta käꞌan ka i xiꞌin ndo ya kúu ndo: “moso i” chi iin moso ta köo xíni ra unkua ikan ra xáa chiñu ra nuu. Sundi yeꞌe káꞌan i xiꞌin ndo ndóꞌo̱ ku ndo ítaꞌan vaꞌa ni xiꞌin i, chi ndi̱tuꞌun ndiꞌi i xiꞌin ndo xaꞌa ya xi̱ni soꞌo i ndi̱kaꞌan Iva i, ta saa íyo ndiꞌi ya ndi̱kaꞌan i xiꞌin ndo.

San Juan 16:12

’Ta íyo kuaꞌa ni ka ya kaꞌan i xiꞌin ndo, sundi vitin ta kündee ini ndo xiꞌin ya tá ná kaꞌan i xiꞌin ndo.

San Juan 17:8

Ta̱xi i tuꞌun un ndaꞌa na ya ta̱xi un ndaꞌa i, ta vaꞌa ni ndi̱kiꞌin na ya. Ta ku̱ndaa ini na ya ndixa kua ke̱e i nuu un, ta kándixa na yóꞌo̱ ku ra ti̱ꞌvi yeꞌe vaxi i.

San Juan 18:20

Saa ndi̱kuiin Jesús káꞌan ra, káchi ra saa: ―Nuu ndiꞌi ni kúu naꞌa ndi̱kaꞌan i, tá si̱naꞌa i ini veꞌe ñuꞌu vali sinagoga án veꞌe ñuꞌu kaꞌnu, nuu ndíkitaꞌan ndiꞌi na judío. Ta nda iin ñaꞌa köo ndi̱kaꞌan sěꞌe i nuu na.

San Juan 3:11

Ya ndaa káꞌan i xiꞌin un, ndeꞌe ta káꞌan nde xaꞌa ya xíni̱ nde xiꞌin ya xíni xiꞌin nuu nde. Ya yóꞌó kua ndíkuiin nde xaꞌa káꞌan nde xiꞌin ndo. Ta köo xíin ndo kandixa ndo ya káꞌan nde xiꞌin ndo.

San Juan 7:16

Saa ndi̱kuiin Jesús káꞌan ra: ―Ya sínaꞌa i ta süvi ya xíni mií i kua, ya xíni ra ti̱ꞌvi yeꞌe vaxi i kua sínaꞌa i.

San Juan 7:28

Ta saa ndíkaa Jesús keꞌe veꞌe ñuꞌu sínaꞌa ra, ñaa nda̱niꞌi ra tachi ra ta ndee ni ndi̱kaꞌan ra, káchi ra saa: ―¡Ya ndaa kua xíni ndo yeꞌe ta xíni tu ndo nuu ke̱e va i! Sundi süvi xaꞌa ya kúni mií i kua vaxi i, chi íyo iin ra ti̱ꞌvi yeꞌe vaxi i, ta ra ikán ta ndaa ni ini ra, ta ndóꞌo̱ köo xíni ndo ra.

San Juan 8:25

Saa ndi̱kaꞌan nda xiꞌin ra, káchi nda saa: ―Ta ¿unku yóꞌo̱ kua? ―káchi nda xiꞌin ra. Saa ndi̱kuiin ra káꞌan ra xiꞌin nda: ―Nda tá xaꞌa vi ndi̱kaꞌan i xiꞌin ndo unku i, ta ra ikán ku i.

San Juan 8:27

Ta köo ndi̱kundaa ini nda ikán xaꞌa Iva yo Ndioxi kua ndi̱kaꞌan ra xiꞌin nda.

San Juan 8:40

Sundi ndóꞌo̱ ta kúni ndo kaꞌni ndo yeꞌe xaꞌa ya ndi̱tuꞌun i ya ndaa xiꞌin ndo, ya xi̱ni soꞌo i ndi̱kaꞌan Iva i. Chi ra Abraham ta nda iin ichí köo ndi̱kan ra tá kuꞌva íkan ndóꞌo̱.

2 Corintios 1:18

Mií Ndioxi ku ra xíni xaꞌa ya káꞌan nde xiꞌin ndo ya ndaa ni kua káꞌan nde xiꞌin ndo, chi ndeꞌe tá káꞌan nde xiꞌin ndo ta köo iin káchi káꞌan nde: “Vaꞌa va”, án “Küvi vi”, káchi nde xiꞌin ndo.